pêş hellbijardinekanî 30î eylûlî 2018, bêcge le partî dîmukratî kurdistan, beşî here zorî ḧzbe siyasîyekanî kurdistan bangeşeyi eweyan dekrd ke barudoxî kurdistan bo encamdanî hellbijardinî perleman lebar nîye, pêdagrîyi partî dîmukratî kurdistan-îş leser hellbijardin bo eweye dezanêt zorîneyi dengekan bedest dehênêt û deyewêt be teniya ḧkumet pêkbihênêt û cllewgîrî ḧukmirranî le kurdistan bigirêtedest.
em dawayeyi partî heta eger bew nîyeteş bûbêt ke ḧzbekanî dîkeyi kurdistan wek biyanû bo dwaxistinî hellbijardin bangeşeyan bo dekrd, dawayekî rewayi her ḧzbêkî siyasîye ke pşitibestû be siyasete rastekeyi xoyi bêt û lewe dllinya bêt ke hawullatiyanî zorîneyi dengî pê deden, bellam prsî ême lêreda eme nîye, bellku prsî serekî eweye: boçî partî dîmukratî kurdistan le xoyi dllinyabû ke xellkî kurdistan zorîneyi dengekanî pê deden û ḧzbekanî dîke ew dllinyayiyeyan nebûn, yan le akamekanî hellbijardin detirsan? bêguman hewlldan bo wergirtineweyi wellamî em prsiyare, karesatî 16î oktober deydatewe, leber eweyi bêcge leweyi karesatî 16î oktoberî 2017 lenaw rayi gşitîyi kurdistanda wek xiyanetêkî nîşitmanî le qellem dra, bellam beşêkî zorî ḧzbe siyasîyekan bo berjewendîyi siyasîyi xoyan hewlliyan da em karesat û xiyanete wek derencamî kêşe û milmilanêyi nêwan partî û yekêtî le qellem biden û hewllbiden bo berjewendîyi ḧzbîyi xoyan hellwêstî xoyan bşarinewe, eme le katêkda beşî zorî endamanî mektebî siyasîyi yekêtî nîşitmanî kurdistan xoyan le encamdanî ew karesate bêberî krd û, ew 38 endameyi serkrdayetîyi yekêtî-îş ke ferîd eseserd endamî serkrdayetîyi yekêtî bo pakanekrdin le karesatî 16î oktober le kongreyekî rojnameyî dwayi 16î oktober nawekanî xwêndinewe, beweyi gwaye ewane bo encamdanî ew karesate îmzayan krduwe, ewanîş beşêkiyan yek yek û dû dû, be rêgeyi mîdiya ciyawazekan xoyan lew îmzayane bêberî krd, boye karesatî 16î oktober ke zor hewlldra bergî milmilanê û kêşekanî nêwan partî û yekêtî beberda bikrêt, bellam netwanra emeyi be berda bikrêt û wek xiyanetêkî nîşitmanî heta êstaş lenaw rayi gşitîyi kurdistanda rengdaneweyi heye.


ledwayi karesatî 16î oktoberî 2017 be şêweyekî xorrskane kurdistan buwe dû bere, bereyek bergrî le kurdistan dekrd, bereyekî dîkeş yan beşdar bû le dagîrkrdineweyi kurdistan, yan bêdengî hellbijardbû, xoşbextane partî dîmukratî kurdistan buwe rêberî ew bereyi ke bergrî le kurdistanî hellbijardbû, bellam katêk mezndekan çûne ew asteyi ke ew bereyi partî bo bergrîkrdin le gel û perleman û ḧkumetî kurdistan rêberayetî dekat, serkewtû nabêt, hemû ḧzbe siyasîyekanî beşdar le ḧkumet her yekeyan be biyanûyek le ḧkumet kşanewe, raste yekêtî nîşitmanî be fermî le ḧkumet nekşayewe, bellam endamanî beşdarbuwî ḧzbekeyan lenaw ḧkumetda bebê pşitgîrî becêhêşit û xoşiyan wek ḧzbekanî dîke dijayetî ḧkumetî herêmî kurdistaniyan dekrd.


lem jînge siyasîyeda be şêweyekî krdeyî parastinî gel û ḧkumet û perlemanî kurdistan, hem leser astî serbazî û hem leser astî siyasî û dîplomatî kewte serşanî partî dîmukratî kurdistan, her boye serkewtinî partî lem ezimûne qurseda û wellamdaneweyi bo xwastî hawullatiyanî kurdistan be ciyawazî siyasî û ayînî û neteweyiyewe, heman ew jînge siyasîyeyi drustkrd ke sînatorî emirîkî mayk lofkirin le sallî 2012 le ktêbekeyda be nawî (kotayîhatinî ḧzb) basî krduwe. bellam ciyawazîyi jîngeyi siyasîyi kurdistan le sallî 2017 legell jîngeyi siyasîyi emirîka le sallî 2012 ewe bû, ḧzbî komarîyi emirîka ke wek ḧzbêk be drêjayî mêjû proseyi siyasîyi emirîkayi rast krdbuwewe, lew salleda destewestan bû, neydetwanî proseke rast bikatewe, heta le sallî 2016 be hellbijardinî tiremp ew bareyi rast krdewe, bellam le sallî 2017 le kurdistan her legell rûdanî karesatî 16î oktober, partî dîmukratî kurdistan destewestan nebû, şerrî man û nemanî hellbijard, bemeş twanî le rojgarêkî zor reş û le ezimûnêkî zor sextda, carêkî dîke xoyi le bazneyi frawanî neteweyî û nîşitmanî kurdistanîda pênase bikatewe, em xopênasekrdineweyi partî be teniya û bê hawkarîyi rasteqîneyi hîç ḧzbêkî dîke, buwe hokarî eweyi ke sozî beşî here zorî xellkî kurdistan belayi xoyda rabikêşêt û ew mtmaneye drust bikat ke partî dîmukratî kurdistan şaysteyi eweye koyi proseyi ḧukmirranîyi kurdistanî pê bspêrdrêt.


partî dîmukratî kurdistan wek bereyekî nîşitmanî bo nwênerayetîkrdinî dozî rewayi bzavî rizgarîxwazîyi kurdistan, her leseretayi damezirandinyewe taweku oktoberî 2017 lenaw çendîn şkst û hestaneweyi netewe û nîşitmanekeyda rollî rêber û yeklakereweyi gêrrawe, bellam be drêjayî ew 71 salleyi temenî partî le ( 1946-2017) hîç karesatêk hêndeyi karesatî 16î oktober sext û cergbirr nebuwe, hokarî emeş leber ewe bû, teniya dû sê hefte pêş encamdanî karesatî 16î oktober, rêjeyi 93%î xellkî kurdistan be (bellê) dengiyan bo serbexoyî kurdistan dabû, bellam grûpêk xoyan pêşrrewîyan bo dagîrkrdinî kurdistan krd, her em grûpeş hewlliyanda ke pasawî pêşrrewîkrdinyan bo supayi dagîrker bew biyanuwe perdepoş biken, gwaye hêzî beramber zor le pêşmerge prrçektire û natwanrêt rêge be hêzî dagîrker bigîrêt, bellam katêk be serperşitî rastewxoyi ms'ud barizanî birriyar dra pêşmerge le (prdê û sḧêla û meḧmûdiye û çend şwênêkî dîke) bergrî bikat û, twanra hêrşekanî hêzî dagîrker têkbşkêndrêt û kurdistan bparêzirêt, eme layi tewawî xellkî kurdistan (bêcge lew destebijêraneyi serkrdayetîyi beşêk le ḧzbe siyasîyekan), buwe umêdêkî nwê bo ayinde û paşerrojî kurdistan.

kewate partî dîmukratî kurdistan ke le parastinî gel û ḧkumet û perlemanî kurdistanda be teniya cêhêlldra û ḧzbekanî dîke lem şerefe nîşitmanîyeda xoyan le partî ciyakrdewe, ewa partîş heqî xoyetî ke le koyi hawullatiyanî kurdistan dllinya bêt ke zorîneyan dengî pê deden.
em waqî'e siyasîyeyi dwayi karesatî 16î oktober le herdû proseyi hellbijardinî ayarî 2018 bo perlemanî 'êraq û 30î eylûl bo hellbijardinî kurdistan rengdaneweyi waqî'îyaneyi hebû, her bo nmûne le tewawî 'êraqda, hemû pêkhate siyasîyekan be sunine û şî'e û beşêk le ḧzbekanî kurdistanîşewe, lewe detirsan ke komîsiyonî ballayi hellbijardinekanî 'êraq, serlenwê bedest hemû dengekan hejmar bikenewe, bellam be teniya partî dîmukratî kurdistan pşitgîrî xoyi bo hejmarkrdineweyi dengekan be dest dûpat krdewe, le hellbijardinekanî 30î eylûlî perlemanî kurdistanîşda, legell eweyi le deverî slêmanî û hellebice karî saxteyi zor kra, bellam dîsan partî dîmukratî kurdistan amadebaşî xoyi pîşanda ke amadeye carêkî dîke dengî sindûqekan hejmar bikrênewe.

hellbijardinî 30î eylûlî 2018 û bêbakîyi partî le bedesthênanî 45 kursî le koyi 100 kursîyi perlemanî kurdistan, lewewe serçaweyi grtibû, ke eger carêkî dîke dengekan hejmar bikrênewe, rêjeyi kursîyekanî partî nek kem naken, bellku çend kursîyekî dîkeş berew jûr helldekşên, em mtmaneyeş lewewe serçaweyi grtibû ke le rojî 30î eylûlî 2018 cemaweyî herdû parêzgayi slêmanî û hellebice zor be tundî ew ḧzbe siyasîyaneyan sza da ke hokarî drustibûnî karesatî 16î uktober bûn, le hemanikatda ew ḧzbaneşî le katêkî zor naskda le bergrî kurdistan paşekşeyan krd.

karîgerî û rengdaneweyi karesatî 16î oktober û ew werçerxan û gorranikarîyeyi le hawkêşeyi siyasîyi kurdistanda drustî krduwe, rengdaneweyekî berdewamî debêt û roj le dwayi roj em rengdaneweye le naw bazneyi frawanî nîşitmanî û neteweyda ziyatir berceste debêt, her boye ew ḧzbe siyasîyaneyi ke nayanewêt legell em waqî'e tazeye wek xoyi mamelle biken, seretayi pûkaneweyan le prose siyasîyekeda derkewtuwe û erkêkî tazeşî xistote ser şanî partî ke berdewam lenaw bazneyi frawanî siyasî û nîşitmanîda xoyi pênase bikatewe, bo eweyi em xopênasekrdineweye bibête ew umêdeyi ke ayindeyi kurdistanî leser bunyad denrêtewe.