hîç guman leweda nîye eger ledwayi 16î oktoberî 2017 sinûrêk bo hêzekanî ḧeşdî şe'bî û supayi 'êraq û polîsî fîdrrallî lelayen hêzî pêşmergeyi kurdistanewe danenraye, ewa çarenûsî şarekanî dîkeyi kurdistan le çarenûsî kerkûk û tuzxurmatû başitir nedebû. ew mqawemeteyi pêşmerge lemaweyi ew yek dû hefteyeda bo parastinî kurdistan krdî û rîgeyi neda kurdistan dagîr bikrêtewe, hawkêşeyekî tazeyi drustkrd ke carêkî dîke supayi 'êraq û ḧeşdî şe'bî natwanin îradeyi xellkî kurdistan têkbşkênin, herweha eme bo hêze 'êraqîyekan be hemû nawekaniyanewe be helleyek le qellem dra ke carêkî dî penayi bo nebenewe.
ew waqî'eyi hêzî pêşmergeyi kurdistan le sengerekanî bergrî drustî krdu, ew mtmaneyeyi xellkî kurdistan be rêgeyi sindûqekanî dengdan be partî dîmukratî kurdistaniyan bexşî, bûne binemayi her diyalog û lêktêgeyşitinêkî taze le nêwan partî û beẍdada, be manayekî dîke eger layenekanî şî'eyi 'êraq deyanewêt partî dîmukratî kurdistan wek layenî serekî û nwênerî gelî kurdistan beşdarî proseyi siyasîyi 'êraq û ḧkumetî dahatû bikat, ewa debêt raşkawane pêş danustanekan debêt dan bew rastîyeda binên, ke kêşeyi gelî kurdistan be şerr çareser nakrêt û ew hêrşaneşî dwayi 16î oktober krawnete ser kurdistan, helle bûn û debêt gerentî ewe bidrêt ke carêkî dîke ew hellane dûbare nabinewe, lehemanikatda pêdagrîyi partî le danustanekanî bo beşdarî le ḧkumetî 'êraqda ewe buwe, debêt ḧkumetî tazeyi 'êraq tewawî ew birriyaraneyi ḧkumetî 'êraq hellbweşênêtewe ke dijî herêmî kurdistan drawn.

le çwarçêweyi em lêktêgeyşitine tazeye, partî beşdarîyi ḧkumetî d.'adl 'ebidulmehdî krd û legell destpêkî ḧkumetî tazeş dwayi maweyek layene serekîyekanî şî'e betaybetî hadî 'amirî serokî hawpeymanî bîna û semaḧetî muqteda sedr serokî rewtî sedr û hawpeymanî sayrun be fermî banghêşitî serok barizanî-yan krd bo eweyi serdanî beẍda bikat heta ew lêktêgeyşitineyi le miyaneyi gftugokanî ḧkumetda hatote arawe le programî ḧkumetîşda biçne warî krdarîyewe. barizanî em destpêşxerîyeyi beẍdayi retinekrdewe, bellku pêşwazî lew destpêşxerîye krd û serdanî beẍdayi krd û her le yekem pêşwazî lê krdinyewe ke ferşî sûrî bo raxirabû, derkewt ke ḧkumet û layene siyasîyekanî şî'eş geyşitûnete ew qena'eteyi ke rêgeyi drust ew bîruboçûnaneye ke barizanî bo çareserkrdinî proseyi siyasî le 'êraqda dayrrşitûn, her leser em prse d. beşîr ḧedad cêgrî serokî perlemanî 'êraq ke lem jmareyeyi gullanda dîmaneyekî taybetman legell encamdawe û yekêk buwe lew kesaneyi le beşêk le kobûnewekanî barizanî legell layene siyasîyekanî 'êraqî amade buwe, raşkawane eweyi pêyi gutîn, peyamî em serdane bo beẍda ewe bû, fermû ewe ême destî aşitîman drêj krduwe û êweş be şêweyekî aşitîyane kêşekan çareser biken. herweha ew siyasete hellaneyi beramber kurdistan krdûtane, dûbare nebêtewe. d. beşîr ḧedad dellêt: «astî pêşwazî le serok barizanî le beẍda, peyamêkî dîkeyi le beẍdawe bo herêmî kurdistan nardewe û nawerrokî peyamekeş ewe bû, bellê cenabî serok barizanî êwe wek herêmî kurdistan çend pêwîsttan be beẍdaye, êmeş hêndew ziyatirîş piywîstman be herêmî kurdistane.

prsiyar lêreda eweye: em peyameyi beẍda bo herêmî kurdistan çon araste kra û ême çon deyxwênînewe? le wellamî em prsiyareşda d.ḧedad dellêt: le raxistinî ferşî sûr bo serok barizanî le katêkda berrêziyan hîç postêkî fermîyi dewlletî nîye, herweha le pêşwazîyi semaḧetî muqteda sedr bo berrêziyan ke ew amade nîye bo hîç kesêk bêtederewe, bellam bo serok barizanî nek her hate pêşwazî bo derewe, bellku maweyek çawerrêyi krd, heta karwanî otombêlekanî serok geyşitin.

eweyi cêgeyi bayex û hellweste leserkrdine, eweye serok barizanî raşkawane eweyi rageyand ke le êstada derfetêk hatote pêşewe, eger sûdî lêwer bigirîn, detwanîn proseyi siyasîyi 'êraq rast bikeyinewe.
em qsaneyi serok barizanî le maweyi yek dû hefteyi rabrdû seretayekî gewreyi lê derkewt, ewîş brîtî bû le pesendkrdinî pşkî kurdistan le yasayi budceyi 'êraq û derhênanî mûçeyi fermanberan le kêşe û milmilanêkanî nêwan ḧkumetî kurdistan û beẍda, herweha bellênî gêrraneweyi postekanî pşkî kurd le ḧkumetî 'êraq bo gelî kurdistan, herweha geyşitin be lêktêgeyşitinêkî hawbeş leser prsî kerkûk bew radideyeyi wek d.ḧedad dellît: beẍda be tewawetî geyşitote ew qena'eteyi ke kêşeyi kerkûk pêwîstî be hawkarî û hemahengîyi nêwan herêmî kurdistan û beẍda heye, krdineweyi em kêşeyeş pêwîstî be dû klîle, ke yekêkiyan le beẍdaye û ewî dîkeyan le herêmî kurdistane.

le seruwî hemû em werçerxanewe, serdanî pênc şemeyi rabrduwî nêçîrvan barizanî serok wezîranî kurdistan bo beẍda û kobûneweyi legell d.'adl 'ebidulmehdî serok wezîranî 'êraq, amajeyekî dîkeyi umêdbexşn ke lenêwan hewlêr û beẍda laperreyekî taze helldrawetewe û lêktêgeyşitinêkî taze drust buwe, ke bêguman be şahîdî berprsanî beẍda pêş berprsanî kurdistan, em lêktêgeyşitine bebê bîruboçûnekanî barizanî karêkî meḧall debûn.