lewaneye yekêk le sûdekanî şorrşî çwaremî pîşesazî û naçarbûnî dewlletan bo gerranewe bo naşnalîzim ewe bêt, ke çîdîke hîç dewlletêk natwanêt netewe, yan dewlletêkî dîke dagîrbikat, emeş nek leber eweyi twanayi dagîrkrdinî nîye, bellku dagîrkarî û dagîrkrdin, sîstme siyasîyekeyi xoyi le rîşewe helldekêşêt, başitirîn nmûneş ke le êmewe nzîk bêt, hêrşî ḧkumetekeyi ḧeyder 'ebadî bû le 16î oktoberî 2017 bo ser kurdistan, 'ebadî pêywabû be dagîrkrdineweyi ew beşeyi kurdistan û kotayîhatinî şerrî da'ş wek pallewanî şerr û pallewanî netewe, hellbijardinekanî ayarî 2018 debatewe, bellam ciya leweyi hawpeymanîyekeyi teniya 43 kursî le koyi 329 kursîyi perlemanî 'êraq le pleyi sêyem bedesthêna, le hemanikatda pêş eweyi ḧkumet pêkbihênrêt, hawpeymanîyekeyi leberyek hellweşayewew teniya yek dû kursî bo mayewe. êstaş eger hawpeymanî (bîna) be serokayetî hadî 'amirî biyewêt be yekcarî ḧukmirranîyi şî'e le 'êraqda kotayî neyet, ewa debêt xoyi destpêşxer bêt bo cêbecêkrdinî madideyi 140î destûr û kşaneweyi hêzekanî le nawçe kurdistanîyekanî dereweyi herêmî kurdistan, eger eme nekat, ewa natwanêt le 'ebadî başitir ḧukmirranî bikat û serencamîş her narrezayî şare şî'enşînekanî başûr ḧkumetekeyi derrûxênin.
bellam layenî xirapî şorrşî çwaremî pîşesazî bo neteweyi hejar û dwakewtû, eweye katêk komellgeyi nêwdewlletî bo çareserî derhawîşite xirapekanî şorrşî çwarem pîşesazî betaybetî derhawîşite xirapekanî (gorranikarîyekanî keşuhewawî cîhan, bazarrî cîhanî, pêşkewtine zor xêrakanî tekinelojiya) ew netewane lenaw ew kobuwane bûniyan nabêt û prsiyan pê nakrêt, boye ewan her briyarêk biden, debêt netewe hejar û dwakewtuwekan cêbecêyi biken, eger cêbecêyşî neken, perawêz dexirên û leser astî nêwdewlletî mamelleyan legell nakrêt.
em arasteye manayi siyaset û ḧukmirranî le dewlletanî hejar û dwakewtûşda gorriyuwe, her bo nmûne ême le miyaneyi ezimûnî ḧukmirranî le kurdistanda, çi katêk şandekanî wllatanî rojawa ke dehatin bo kurdistan, yan çi katêk şandekanî ême deçûne dewlletanî rojawa, berdewam hewllî ême bo ewe bû ke qena'etiyan pê bikeyin, ême ezimûnêkî dîmukratîman dest pêkrduwe û demanewêt kopî sîstmî rojawa bikeyin, leser em binemaye dawayi yarmetî û parastinî herêmekeman le cîhan dekrd, bellam lem dû salleyi dwayî wate le 2017 –ewe ta êsta, cîhan û betaybetîş emirîka û rojawa leser em binemaye mamelle legell hîç dewlletêk naken û emeş nakene pêwer bo şêwazî mamellekrdinyan be herêmî kurdistanîşewe, bellku arasteke bewcoreye her neteweyek bigerrêtewe bo behakanî bîrî neteweyî (naşnalîzim)î xoy, debêt bew behayane sîstmêkî ḧukmirranî drust bikat û pîşanî cîhanî bidat, herweha debêt şanazî bewe bikat ke ḧukmirranîyekeyi berhemî beha ballakanî bîrî neteweyî xoyetî, nek kopî neteweyekî dîke bêt.
em waneye ke endaziyarekanî şorrşî çwarmî tekinelojiyayi beser sercem dewllet û ḧukmirranîyekanda drustî krduwe, ewan çawerrêyi ewe naken siyasîyekan, yan serok dewlletekan em birriyare pesend deken, yan ne, bellku ewan birriyarî xoyan dawe û rojane derhawîşite xirapekanî beser hemû mirovayetîda billaw debêtewe, boye serokî xawen lojîk eweye zor be xêrayî netewekeyi le derhawîşite xirapekanî em pêşkewtine zor xêrayeyi şorrşî çwarmî tekinelojiya bparêzêt û bigerrêtewe bo naw beha ballakanî bîrî neteweyî xoyi û, serok wezîranî wllat katêk le jûrekeyi xoyi dadenîşêt û beriname bo karî rojaneyi ofîsekeyi daderrêjêt, debêt wabîr bikatewe lem cîhaneda yek netewe heye, ewîş netewekeyi xoyetî, em hemû pêşkewtineyi tekinelojiyaş debêt hemuwî bo xizimetî netewekeyi bekar bênît û rêge nedat derhawîşite xirapekanî ḧkumet û netewekeyi legell xoyi rabmallêt.