lewaneye başitirîn sereta ke rehende diyarekanî sîstme siyasîye tazekeyi herêmî kurdistanî pê bixwêndrêtewe, ew birriyare bêt ke çend sallêk pêş êsta berrêz ms'ud barizanî bo çaksazîyi kargêrrî û rûberrûbûneweyi gendellî raygeyandu paşanîş her em berinameyi çaksazîye lelayen ḧkumetî herêmî kurdistanewe karî leser kraw kraye prroje yasayek û rewaneyi perlemanî kurdistan kra, bellam bedaxewe le xulî rabrduwî perleman netwanra pesend bikrêt û bikrête yasa û pêdeçêt wek perlemantaranî xulî emcareş amajeyan pêkrduwe, têperrandinî yasayi çaksazîyi kargêrrî karî binerretî bêt. be têperrandinî em yasayeş, sîstmêkî tazeyi ḧukmirranî le kurdistan dest pêdekat ke le sîstme konekeyi ḧukmirranî naçêt û, raşkawanetir em kabîne tazeye leser nexşerrêgeyek derrwat ke pêşitir serok barizanî û nêçîrvan barizanî boyan darrşituwe.
xallêkî dîke ke dekrêt lew xalleşewe rehendêkî dîkeyi kabîneyi dahatuwî pê bixwênînewe, ew peyame raşkawaneyeyi partî dîmukratî kurdistane ke berdewam cextî leser dekatewe, ewîş eweye nabêt le kabîneyi dahatû, layene beşdarekan, beyaniyan le ḧkumet beşdar bin û şewanîş leser tîvîyekan opozsiyon bin, emeşiyan manayi eweye, layene siyasîyekan azadin leweyi ke bereyi beşdarîkrdin le ḧkumet helldebijêrin, yan bereyi opozsiyon, bellam debêt reçawî bîrkrdineweyi taze bo sîstmî siyasî û ḧukmirranî biken, ke ewîş hawkarî û hemahengî û hawsengîye lenêwan layene beşdarekan lelayek û, hemahengî û hawkarî û hawsengîye le nêwan layene beşdarekanî ḧkumet û layene opozsiyonekanî naw perleman, le herdû ḧalletda, hersê çemkî (hawkarî û hemahengî û hawsengî) be manayi yeksanî nayet le prosekeda, bellku em sê çemke bew core (hawkar û hemaheng û hawseng) debin, eger leser binemayi ew nexşe siyasîye tazeye bunyad binrênewe ke gelî kurdistan be dengekaniyan diyariyan krduwe.
layenêkî dîke ke dekrêt lewîşewe rehendêkî dîkeyi sîstme siyasîye tazekeyi pê bixwêndrêtewe, qbûllkrdinî ew bîrkrdinewe tazeyeye bo sîstmî siyasî ke partî dîmukratî kurdistan krdûyetî be çwarçêweyek bo danustandinekanî ḧkumetî dahatû, leser em layeneş û le perawêzî ew çend kobûneweyeyi partî dîmukratî kurdistan legell her yeke le yekêtîyi nîşitmanîyi kurdistan û bzûtineweyi gorran encamîdawn û dû beyanî hawbeşîş ledwayi kobûnewekan derçû, hest dekrêt lew zimane hawbeşeyi partî û yekêtî û le zimane hawbeşekeyi partî û gorran ke herdû beyaninamekeyi pê nûsirawn, çwarçêweyekî baş bo têgeyşitinî hawbeş leser bîrkrdinewe nwêke bo bunyadinanî sîstme tazeke drust buwe û hest dekrêt corêk le qena'et layi her sê layenî (partî û yekêtî û gorran) drust buwe ke serxistinî proseyi ḧukmirranî pêwîstî be konisêrtêkî siyasîyi nêwan layene beşdarekan heye, em konisêrte ciya leweyi ḧkumetî behêz drust dekat, le hemanikatda hawsengî û hawkarî û hemahengîyş le nêwan koyi desellatekan (serokayetî herêm, ḧkumet, perleman, desellatî dadwerî) le kurdistanda drust dekat.
le koyi em rehendanewe eger hellwesteyek le bîrkrdineweyi ms'ud barizanî bikeyin ke deyewêt proseyi ḧukmirranî hemû pêkewe lew aste bin ke wellamî xwast û pêdawîstîyi xellk bidenewe, ewa degeyine ew derencameyi ke barizanî be bawkî damezirênerî em sîstme siyasîye le qellem derêt û pêdagrîyi ewîş leser kotayîhatin be sîstme koneke û hewlldan bo drustkrdinî sîstmêkî tazeyi siyasî û ḧukmirranî bo kurdistan be beşdarî û hawkarî û hemahengî û hawsengîyi hemû ew layene siyasîyaneyi deyanewêt beşêk bin lem sîstme siyasîye tazeye, eweyi lêdexwêndrêtewe ke barizanî xoyi reqîb û çawdêrî yekem debêt be ser koyi proseyi ḧukmirranî le kurdistanda û rêge nadat hawsengî û hawkarî û hemahengîyi nêwan desellatekan (serokayetî herêm, perleman, ḧkumet, desellatî dadwerî) têkbiçêt, le nêwan her çwar desellatekeda barizanî debête pşitêwanêkî gewreyi desellatî dadwerî, bo eweyi serwerîyi yasa le kurdistanda bûnî hebêt û hîç kesêk le yasa balladesttir nebêt û yasa le seruwî hemuwanewe bêt.
her boye eger lem çwarçêweyeda, reqîbî û çawdêrîyi barizanî bo sîstmî siyasî û ḧukmirranîyi kurdistan bixwênênewe, ewa raşkawane degeyine ew derencameyi ke barizanî mebestêtî desellatî dadwerî û serwerîyi yasa behêztirîn û karîgertirîn desellat bêt le kurdistanda, herweha deyewêt desellatî dadwerî û serwerîyi yasa, bibine perjînî parastinî kerametî hawullatiyanî kurdistan, diyare ke cext leser kerametî hawullatîş dekeyinewe, le serdemî ersto tallîsewe heta êstaş, pênaseyekî guncaw bo kerametî mirov, yan hawullatî, ciya leweyi tewawî mafekanî mirov degrêtewe, bellam le seruwî mafî mirovîşewe, mafî hawullatîbûn û mafî hestkrdin be asûdeyî roḧîyş degrêtewe, barizanî ciya leweyi wek pêşmergeyek be drêjayî temenî xoyi bergrî le kerametî gelî kurdistan krduwe, lelayekî dîkeşewe wek 'arfêkî terîqetî şêx 'ebidulselam û şêx eḧmedî barizan, zor be qûllî le mana roḧîyekeyi keramet têgeyşituwe, boye le drustkrdinî em sîstme siyasî û ḧukmirranîye tazeyeyi kurdistanda, zor pêdagrî leser ewe dekat, hîç kes û layenêk natwanin asteng bo em prose tazeye drust biken.
layi barizanî, dakokîkrdin le kerametî hawullatî, teniya hawullatiyanî kurd le kurdistanda nagrêtewe, bellku her takêk ke lem kurdistane dejî, ewca ser be her ayîn û neteweyek bêt, debêt sîstmî siyasî û ḧukmirranî le kurdistanda bew core hellbsûrrêt ke kerametî hawullatîbûnî le kurdistan bparêzêt, emeş bew manayey, brayekî kldan, siryan, aşûr, turkman, ermen w...htd, debêt bew core rêz le kerametiyan bigîrêt ke hest biken rêz le mafî neteweyiyan gîrawe û ewanîş wek neteweyi kurd xawenî em kurdistanen, herweha leser astî ayînî ke gelî kurd beşî zorî musllmane, debêt brayekî krîstiyan, ermen, êzîdî û tewawî ayînekanî dîkeş herkamiyan wek musllmanêk em wllate be wllatî xoyi bzanêt û hest bikat ke rêz le mafe ayînîyekanî gîrawe. ew pêşniyaraneyi ke bem dwayiye lelayen pêkhate neteweyî û ayînekanewe bo rîformî prrogramî xwêndin le kurdistan krawe û le mîdiyakan amajeyi pêkrawe û dawakrawe ke le prrogramî xwêndinî kurdistanda, nawî krîstiyan û turkman û êzîdî û ermen w.. htd bekar bihêndrêt, nek teniya hemûyan nawî kurdî bin, emeş amajeye bo eweyi em pêşniyarane pşit esturin bew têgeyşitineyi ke barizanî bo manayi parastinî kerametî hawullatî heyetî.

çirrkrdineweyi manayi sîstmî tazeyi siyasî û ḧukmirranî le kurdistanda bo parastinî kerametî hawullatî, manayi eweye barizanî pêş eweyi hewllîdabêt proseyi ḧukmirranîyi kurdistan bibête çwarçêweyek bo parastinî kerametî hawullatî le kurdistanda, be damezirandineweyi (baregayi barizanî), em damezirawe mîllîye ke barizanîyi bawk damezirêneryetî, le sertaserî şorrşî eylûlda erkî serekîyi parastinî kerametî hawullatî buwe be ciyawazîyi ayîn û netewe û bîruboçûnî siyasîyewe, tenanet parastinî kerametî mirovîş buwe, bew mirovaneşî ke serbazî dagîrkeran bûn û le akamî hêrşekaniyan bo dagîrkrdinî kurdistan be dîlî dekewtine destî pêşmerge, barizanîyi bawk rêgeyi nededa sûkayetî bekerametî ew dujmin û dagîrkeraneş bikrêt ke bedîlî dekewtine destî pêşmerge, bîrkrdineweyi barizanîyi bawkîş her lew kanga fîkrîyewe serçaweyi grtibû ke şêx 'ebidulselam û şêx eḧmedî barizan terîqetiyan leser darrşitibû. leser em binemaye û pêwîstîyi dameziraweyekî behêz bo parêzgarîkrdin le kerametî hawullatî, ms'ud barizanî (baregayi barizanî) damezirandotewe û em dameziraweyeş ke rastewxo wîjdanî zînduwî barizanî berceste dekat û le çwarçêweyi wîjdanewe dakokî le kerametî hawullatî dekat, hîç desellatêk nîye le seruwî desellatî ewewe bêt, emeş leber eweye le naw wîjdanda proseyi xorrastkrdineweyi wîjdanî zor le pêş xorrastkrdineweyi yasayî dest pêdekat, boye giringe ew wîjdaneyi lebaregayi barizanî-yewe helldequllêt, bibête bzwênerî proseyi ḧukmirranî lekurdistanda, wek con rawlzîş bîrmendî gewreyi emirîkî ke nzîkeyi 50 sall lemewpêş û pêş eweyi dîmukratî bigate ew doxeyi ke êsta tiyayetî, ktêbî (dadperwerî wek wîjdan)î nûsî, lem ktêbeda rawlz cext lewe dekatewe ke (grêbestî komellayetî) fêllî lê dekrêt, bellam wîjdan fêllî lê nakrêt, boye dawa le dewlletanî dîmukratî dekat, eger detanewêt bergrî le dadperwerî biken û sîstmî dîmukratî le mirdin rizgar biken, ewa debêt wîjdan bikrête binemayi dadperwerî le sîstmî dîmukratîda, nek grêbestî komellayetî.

ewca eger leber roşnayî em bakgrawnde xwêndineweyek bo pêkhênanî kabîneyi nuyemî ḧkumetî herêmî kurdistan bikeyin, ewa degeyine ew akameyi ke ḧkumetî kabîneyi noyem ḧkumetêkî behêz debêt le naw proseyekî ḧukmirranî behêzda ke serokêkî behêz û perlemanêkî seqamgîr le jêr çetirî serwerîyi yasada hawkar û hemahengî ḧkumet debin.