Serok Barzanî çend biryar di derbarê çaksaziyên nava hukumetê de ragihand
![Serok Barzanî çend biryar di derbarê çaksaziyên nava hukumetê de ragihand](https://gulanmedia.com/public/old_images/reports/sareool.jpg )
Palpişt bi yasaya Serokatiya Herêma Kurdistanê a jimare (1) a sala 2005ê hemwarkirî, û bi mebesta zêdetir rêxistina karûbarê Hukumeta Herêma Kurdistanê û encamdana çaksazî û çareserkirina kêmûkasiyên di nava dezgehên hukumeta herêmê de, me biryar da bi:
1- encamdana çaksazî û rêxistinê di ev warên jêrî de:
A- pêdaçûn li heykelê kargêrî yê Hukumeta Herêma Kurdistanê û rêxistina wê li ser bingehekî guncayî û li gor pêwîstiya hukumetê.
B- pêdaçûn li heykelê diravî yê hukumeta herêmê û rêxistina yekeyên jmêryarî di hemû dezgehên hukumet û wezaretan de li ser bingeheke guncayî.
C- pêdaçûn li hemû mîlakê hukumeta herêmê bi mebesta rêxistina mîlaka û karkirin ji bo damezrandina civata raje.
D- pêdaçûn li mîlaka Hêza Pêşmergeyê Herêma Kurdistanê û yeke û dezgehên pêşmerge û rêxistina mîlak û heykelê serbazî a Hêza pêşmerge û rêxistina wan.
H- pêdaçûn li hemû zeviyên çandinê û geştûgozarî û rêxistina wan û ladana her zêdegaviyek li ser mulkê giştî.
W- pêdaçûn li hemû mulkên hukumetê ku bi şêwê girêbest yan girêbestê banewanî yan li ser binemayê weberhênanê dane welatiyan û rêxistina mulk û zevî û balexane û hemû kirêyên hukumetê bi berçavgirtina rewşa abûrî.
Z- pêdaçûn li xerciyên dezgehan û nehîştina xerciyên zêde.
G- pêdaçûn û rêxistina dahata herêmê.
Y - Pêdaçûn li sîstema weberhênanê li herêmê.
2- ew kompaniyên ku bişêweyekî yasayî di erk û çalakiyên xwe de serketine li gor mîkanîzmeke guncayî daxwaz ji wan were kirin ku ji bo derbazbûn ji kirêza diravî û yarmetîdana rewşa abûriya herêmê beşekê ji qezencên xwe pêşkêşî gencîneya hukumetê bikin.
3- ew kes û kompaniyên ku bi şêweyekê ne yasayî dewlemend bûne û gendelbûn pêwîste pêrabûn li hemberî wan were kirin û li gor mîkanîzmekê û bi şêweyekî dadperwerane mifa û dahata wan bikeve gencîneya hukumeta herêmê.
4- ji bo cêbecêkirin û pêdaçûn li vê biryarê bi fermana herêmî komîteyek wê were pêkanîn ku wê karên xwe li gor mîkanîzmên guncayî encam bide û encamên karê xwe ji bo serokê herêma Kurdistanê bilindbike.
Mesûd Barzanî
Serokê Herêma Kurdistanê
10/2/2016