Serokomarê Tirkiyê Recep Tayyîp Erdogan bi boneya Newrozê peyameke pîrozbahiyê belav kir û got, “Em dê li ser avakirina pêşerojeke ronî berdewam bin.”

Peyama pîrozbahiyê ya Erdogan ji aliyê Serokatiya Ragihandina Serokomariya Tirkiyê ve hat belavkirin.

Erdogan, Newroz wek sembola “mizgîniya biharê, biratî û aştiyê” binav kir û li hêviya xwe derbirî, “hesta hevgirtin û hevkariyê ku Newroz amaje pê bike, ji Asyaya Navîn ta Anatolya û Balkanan û cîhanê belav bibe.”

Serokomarê Tirkiyê dibêje, “Em dê bo kelcvan û hêviya ku Newrozê pêk aniye, berdewam bin li ser avakirina pêşerojeke dadperwarane, ewle û baştir.”

Niha li seranserê Kurdistanê Cejna Newrozê û serê sala Kurdî tê pîrozkirin û ahengên berfireh birêve diçin.

Rudaw