Biryar e li Brîtanya û Walesê, serjimêrî bo hejmara rûniştvan, binçîne, regez û ayînan bê kirin. Zanyariyên serjimêriyê jî bi mebesta hevkariya plandanîn û girîngîdana bi ziman di warê xizmetguzariyan de dibe, ew jî li gor hejmara niştecîbûna wan li welat.

Serjimêriya li Brîtanya û Walesê 21ê Adarê tê kirin û şêwazê beşdariya di serjimariyê de du cor e; bi rêya online û kaxez. Beşdarnebûna di proseya serjimêriyê de wek binpêkirineke yasayî tê tomarkirin û dibe ew kes bi 1000 pound bê cezakirin. Herwiha dayîna zanyariyên xelet jî wek binpêkirin tê tomarkirin.

Di dawîn serjimêriya Brîtanyayê de ku sala 2011an birêve çû, hejmara Kurdên wî welatî nêzikî 50 hezar kes bûn û nîviya wan li Londonê niştecih bûn.

Her çiqas îsal yekem car e ku navê Kurd wek neteweyek di serjimariya Brîtanyayê de tê danîn, ji ber nebûna bijardeya “Neteya Kurd” di lîsteyên serjimêriyên berê de, hejmareke hemwelatiyan xwe wek, Tirk, Faris an jî Ereb tomar kirine.

Nezanîna ziman yek ji wan pirsgirêkan e ku rûbirûyê koçberan dibe, beşek ji welatan bi rêya dabînkirina wergêr li fermangehan (daîre) wê pirsgirêkê çareser dikin û dabînkirina wergêr jî li Brîtanya û Wales bi hejmara koçberên li wan herdu welatan tê girêdan. Wate hindî ku hejmara hemwelatiyan zêdetir be, li fermangehan zêdetir girîngî bi ziman tê dayîn.

Yek ji sudden, xwe wek Kurdîziman tomarkirinê ew e ku bazarên mezin ên weke Têsko û Sayinisber ên li Brîtanyayê zêdetir kelûpelên peywendîdar bi nerîta Kurdî hawirde bikin û bi vî awayî hêla kar zêdetir bo kesên Kurdîziman peyda dibe li wan bazaran.

Di aliyê siyasî de jî, karîgerî li ser boçûna hizbên wî welatî dibe, ji ber ku eger derkeft ku hejmara Kurdan li Brîtanyayê zêde ye, egera wê peyda dibe bo rakêşana dengên Kurdan, partiyên siyasî di hilbijartinê de berbijêrên Kurd di lîsteyan de tomar bikin.

Berî dema serjimêriyê, nameyeke taybet tê şandin bo hemû mal û şûqeyên wî welatî. Li ser nameyê kodek hatiye nivîsîn ku ji 16 hêma pêk tê. Ew kod di dema tijîkirina formê de bi şêweyê online û li ser kaxez, pêwîstî pê dibe.

Beşeke berbiçav a hemwelatiyên niştecihên Brîtanyayê, biryar dane di serjimêriyê de navê xwe wek Kurd tomar bikin û bi rêya belavkirina vîdyoyan jî hewl didin ku hemwelatiyên din jî beşdarî serjimêriyê bibin û xwe wek Kurd tomar bikin.

Rudaw