Wezîrê Berpirsê Karûbarên Ewrûpa Mîchael Yê Almanyayê Roth bi riya vîdeo-konferansê li gel hevserokên HDPê Perwîn Bûldan û Mithat Sancar civiya û bang li Tirkiyê kir ku di warê azadiya raderbirînê û mafê mirovan de gavên zêdetir bavêje.

Roth, li ser hesabê xwe yê Twitterê behsa vê hevdîtinê kir û got, wî civîneke têr û tije li gel Bûldan û Sancar encam daye û got, azadiya raderbirînê û mafên mirovan ne tenê taybetmendiyên baş in, ew di heman demê de kevirên bingehîn yên demokrasî û rênimayên hiqûqî ne jî.

Di hevdîtinê de li kêleka Pervîn Bûldan û Mîthat Sancar, Feleknas Uca û Leyla Îmret jî beşdar bûne. Di hevdîtinê de hevserokên HDPê behsa guvaşa desthilata AKP li ser HDP û opozîsyonê kirine û biryara Dadgeha Mafên Mirovan ya Ewropayê (DMME) di derbarê Demîrtaş de jî xistine rojevê.

Rudaw