Serokwezîrê Herêma Kurdistanê Mesrûr Barzanî piştevaniya xwe ji bo banga Serokwezîrê Iraqê Mistefa Kazimî ya destpêkirina diyalogeke niştimanî ji bo çareserkirina rîşeyî ya pirsgirêkên Hewlêr û Bexdayê tekez kir.

Serokwezîrê Herêma Kurdistanê Mesrûr Barzanî li Twîttera xwe nivîsî: “Bi navê Hikûmeta Herêma Kurdistanê, pêşwazî û piştevanî li banga Serokwezîrê Hikûmeta Federalî birêz Mistefa Kazimî dikim, ji bo guftûgoya niştimanî di navbera aliyên Iraqê de ji bo çareserkirina rîşeyî ya hemû pirsgirêk û nakokiyan.”

Serokwezî Mesrûr Barzanî di dirêjahiya twîtên xwe de tekez kir, “Herwiha amadehiya xwe nîşan didin ji bo rêkeftin û çareseriya bingehîn û yekcarî ya hemû pirsgirêkên di navbera Hikûmeta federalî û Herêma Kurdistanê de li gor binemayên destûrê.”

Serokwezîrê Iraqê Mistefa Kazimî îro di gotareke xwe de daxwaz kir ku ji bo rêkeftina di navbera Hewlêr û Bexdayê de, diyalogeke niştimanî bê kirin û li ser hemû astan.

Diyar kir jî, gotûbêj dê ji bo wê yekê bin, çareseriyeke bingehîn ji bo temamê pirsgirêkên di navbera Hikûmeta Federal a Iraqê û Herêma Kurdistanê de were dîtin.