Qaymeqamê bajarokê Hemdaniye li parêzgeha Mûsilê dibêje, serdana Papayê Vatîkan bo Mûsil û deşta Neynewa, dê bibe sebeba wê ku mesîhiyên ku koçber bûne, dîsa vegerin ser cih û warê xwe.

Qaymeqamê bajarokê Hemdaniye li deşta Neynewa li parêzgeha Mûsilê, Îsam Behnam ji BasNewsê re got, nahiya Qereqûş ya Hemdaniyê xwe baş amade kiriye bo pêşwazîkirina Papa. Serdana Papa bo Qereqûş û deşta Neynewa, dilgermiyek e bo mesîhiyên ku ji ber şer koçber bûne da ku dîsa vegerin ser cih û warê xwe.

Qaymaqamê Hemdaniyê da zanîn jî, zêdetirî 4500 mal û xaniyên mesîhiyan ji aliyê DAIŞê ve hatine wêrankirin, bi dehan dêr hatine teqandin û zêdetirî 3 hezar malbatên mesîhî jî koçber bûne.



Basnews