dibêje lazime pêşiya binpêkirinên li Efrînê were girtin.




Behsa rewşa Sûriyeyê kirin.

Îro Serokwezîrê Kurdistanê Mesrûr Barzanî pêşwaziya Serokê îtîlafa nîştimanî ya Sûriyeyê û şandeke pê re kir û piştî bi dawî hatina civînê jî Serokwezîr derbarê naveroka civînê de li ser hesabê xwe yê fermî wisa nivîsandiye;

Îro pêncşem 4 Adara 2021an me pêşwaziya Serokê îtîlafa nîştimaniya Sûriyeyê Nesir Herîrî û şanda pê re kir.

Di civînê de pêşhatên dawî yên rewşa siyasî ya Sûriye û deverê û hewldanên çareser kirina kêşeyên Sûriyeyê hatin nirxandin.

Serokê îtîlafa nîştimaniya Sûriyeyê spasiya helwestên dostane yên herêma Kurdistan yên ku li hember gelê Sûriyeyê, daxwazên reva û bi taybetî mêwandarî kirina sedan hezar Penaberê Sûrî li herêma Kurdistanê ku rixmî rewşa dijwar ya abûrî pêşwazî û hevkariya wan hatiye kirin, kir.

Me behsa vê yekê kir ku herêma Kurdistanê piştîvaniya tevahiya hewlên bo çareser kirina kêşeyên Sûriyeyê bi awayeke aştiyane dike ku bi arasteya aştî û aramiya deverê û dabîn kirina mafên tevahiya pêkhate û gelên Sûriyeyê , di nava wan de misoger kirina daxwazên reva yên gelê Kurd li vê welatî de, dike.

Me herwiha dilgiraniya xwe ya li hember binpê kirinên ku li Efrînê qewmîne diyar kir û hêviya vê yekê xwest ku pêşiya wan binpêkirina were girtin.