Li Qamişloya Rojavayê Kurdistanê jina bi navê Fexirya Hamid, dema ku di xew de bû ji aliyê hevserê xwe ve , bi bivir hat kuştin. Hevserê wê ku berê xwe da Başûrê Kurdistanê, li ser sînor hat binçavkirin.

Li gorî Ajansa Nûçeyan a Firatê, li Qamişloya Rojavayê Kurdistanê jina bi navê Fexirya Hamid, ji aliyê hevserê xwe ve di xew de hat kuştin. Mihemed Şêrîn ê ev demek e tadeyî lê dikir, dema ku Fexirya di xew de bû, bivir lê xist û ew kuşt. Mihemedê ku hevsera xwe kuşt, 2 zarokên xwe girt ba xwe û berê xwe da Başûrê Kurdistanê. Mihemed, li ser sînor ji aliyê hêzên asayişê yên Dêrikê ve hat binçavkirin.


Birayê Fexriya Hamid diyar kir ku Mihemed bê kar bû û tim gefên kuştinê li Fexirya dixwar. Her wiha cîranan jî diyar kirin ku gelek caran Fexirya û Mihemed şer dikirin.

Rudaw