Qehremanekî Kurd bi amadebûna Christiano Ronaldo li Siûdiyeyê bû qehremanê boksîngê yê cîhanê û li qonaxa dawiyê “Mêrê Zebelah” ê cîhanê şkand.

Agit Kabayel yarîkerekê boksîngê ye û bûye qehremanê WBCyê, di qonaxa dawiyê ya yekalîker a wê qehremaniyê de hevrikê xwe şkand û pileya yekê li cîhanê li ser astê wê pêşbirkê bi dest xist.

Agit heta niha tevlî 26 şeran bûye û tam nekiriye şkestinê. Yarîkerê boksîngê yê Kurd xelkê Bakurê Kurdistanê ye û cara dawiyê tevlî qehremaniya cîhanî ya WBCyê bû.

Qehremaniya cîhanî ya WBCyê li Riyaza paytexta Siûdiyeyê hat kirin. Di qonaxa şeşê û dawiyê de, Agit hemî şok kirin û Jîlî Jang ê çînî ku wekî Zebelahê Çînî tê naskirin şkand û bû qehreman.

Agit Kabayel ê yarîkerê boksîngê yê Kurd li sala 1992ê li bajarê Lîverpolê yê Almanyayê hatiye ser dinyayê û lewma jî bi nûnerîtiya Almanyayê tevlî qehremaniyan dibe.

Malbnata Agit Kabayel ji devera Bazarçikê ya Mereşa Bakurê Kurdistanê bar kiriye Almanyayê. Wî li sala 2011ê dest bi vê yariyê kiriye û gelek nasnav bi dest xistine û yek ji yarîkerên boksîngê yên diyar ên Ewropayê ye.

 

K24