Fermandarê Hêzên Hevpeymanan li Îraqê radigehîne, “Bizavên Hevpeymanan bi niyeta zêdetir pêşvebirin û karkirina ji bo piroseya çaksaziyê bi hevahengî bi Wezareta Pêşmerge re berdewam dibin.”

Cîgirê Serokerkanê Wezareta Pêşmerge ji bo Îdare û Mîre Lîwa Rukin Hoşmend Heyder Reşîd duhî (Sêşem, 18.02.2025) pêşwaziya Fermandarê Giştî yê Hêzên Hevpeymanan li Îraqê General Ham û tîma pê re kir.

Li dû ragehandina Wezareta Pêşmerge, di wê civînê de danûstandin li ser karûbarên firqeyan û bicihanîna bername û pilanên çaksaziyê li Wezareta Pêşmerge û rêkxistina tevaya hêzan hat kirin, herwesa rewşa niha ya hêza Pêşmerge û pêşxistina peywendiyên navbera Wezareta Pêşmerge û Hevpeymanan jî hatin behskirin.

Her du alî di wê civînê de li ser bilezkirina pêngavan bi niyeta yekkirina yekîneyên cuda ji bo ser Wezareta Pêşmerge û rkxistina wan di çarçoveya firqeyan de hevnerîn bûn.

General Ham dilxweşiya xwe ji bo pêngaên Wezareta Pêşmerge di piroseya çaksaziya hêzan de diyar kir û amaje da, “Bizavên Hevpeymanan bi niyeta zêdetir pêşvebirin û karkirina ji bo piroseya çaksaziyê bi hevahengî bi Wezareta Pêşmerge re berdewam dibin.”

Navbirî bi giringî ve behsa pirs û piroseya çaksaziyê li Wezareta Pêşmerge kir û ragehand, “Em li ser rêkxistin û yekkirina hêza Pêşmergeyê Kurdistanê û pêkanîna zêdetir firqeyan û serkirdetiya deverê bi piştevaniya lojistî û alîkarî û hevahengiya şêwirmend û diplomatkarên Hevpeymanan li Herêma Kurdistanê û Îraqê berdewam in.”

 

K24