Serokê Herêma Kurdistanê bi Seroka Komisyona Yekîtiya Ewropayê re danûstandinan li ser rewşa Îraq û Herêma Kurdistanê û pêşhatên Sûriyeyê dike.

Serokê Herêma Kurdistanê Nêçîrvan Barzanî piştî nîvroya îro (În, 14.02.2025) di çarçoveya Konferansa Munşinê ya Ewlehiyê de bi Seroka Komisyona Yekîtiya Ewropayê Ursula von der Leyen re berdewamkirina peywendiyan û berfirehkirina alîkariyên hevpar ên Yekîtiya Ewropayê bi Îraq û Herêma Kurdistanê re di hemî waran de tekez kir.

Herwesa Serokê Herêma Kurdistanê û Seroka Komisyona Yekîtiya Ewropayê dîtin nerînên xwe jî li ser rewşa Îraq û Herêma Kurdistanê û pêşhatên Sûriyeyê li hev guhertin.

Ursula von der Leyen dîtin û nerînên Serokê Herêma Kurdistanê li ser rewşa Sûriyeyê û deverê bi awayekî giştî giring hesibandin, herwesa pesn û rêzên Yekîtiya Ewropayê ji bo rolê Herêma Kurdistanê û qehremaniya Pêşmergeyan di berhingarbûn û şkandina DAIŞê de jî tekez kirin.

Seroka Komisyona Yekîtiya Ewropayê herwesa amaje da giringiya rol û tevlîbûna jinan di şerê DAIŞê û berhingarbûna terorê de jî.

Nêçîrvan Barzanî û Chris Van Hollen 
Serokê Herêma Kurdistanê Nêçîrvan Barzanî her piştî nîvroya îro di hevdîtinekê de bi dostê dêrîn ê Kurdistanê, endamê Civata Pîran a Amerîkayê Senator Chris Van Hollen re spasiya piştgiriya berdewam a Kongirêsa Amerîkayê ji bo Herêma Kurdistanê kir.

Senator Chris Van Hollen jî ji aliyê xwe ve pesna rolê Herêma Kurdistanê di parastina tenahî û seqamgiriya deverê de kir û berdewamiya piştevaniya Kongirêsê û dostên gelê Kurd ji Amerîkayê bo Herêma Kurdistanê tekez kir.

Dawî pêşhatên deverê bi awayekî giştî û encamên Rojhilata Navîn jî mijarên tewerekî din ê wê civînê bûn.

 

K24