Li goristana Dihokê termê nûciwanekî kuştî hat dîtin. Herwiha ciwanekê jî ji ber evîndariyê gûlleyek berda xwe û bi giranî birîndar bû.

Rêveberê Polîsên Nehiştina Tawan ê Parêzgeha Dihokê Fexrî Ehmed ji Rûdawê re got: “Roja 11.12.2011’an termê kurek 16 salî li goristan Şaxkê ya Dihokê ji aliyê çend kesan ve hat dîtin. Polîsên Nehiştina Tawan û Dadwerê Lêkolînê ji bûyerê hatin agehdarkirin û wan jî dest bi lêkolînê kirin.”

Fexrî di berdewama daxuyaniya xwe de got: “Ew kur bi gûlleya demancê hatibû kuştin û li serê wî ketibû. Piştî lêkolîna derbarê kuştina wî de, me karî di nava 24 saetan de kesê ku ew sûc kirî bigirin. Ew tometbar hevalekî wî bû û ew jî 15 salî bû. Herdu xwendevanên dibistana navîn bû. Tometbar li ser kuştina wî kurî mikûr hat. Çûbûn ligel hevalekî xwe demance wergirtibûn û çûbûn goristanê, ji bo nîşangirtinê berek danîbûn, lê gûlleyek ber hevalê wî ketibû û jiyana xwe ji dest da.”

Li aliyekî din jî duh êvarî ciwanek 23 salî yê rûniştvanê gundekî Dihokê, li ser pirsgirêkek evîndariyê gûlleyek berda devê xwe û bi giranî birîndar bû.

Rêveberê Polîsên Nehiştina Tawan ê Parêzgeha Dihokê Fexrî Ehmed di dawiya daxuyaniya xwe de got: “Piştî bûyerê ciwan birine nexweşxaneyê. Piştî hat ser hişê xwe, eşkere kir ku li ser meseleya evîndariyê gûlleyek berdaye xwe û ti pirsgirêkek civakî nebû. Niha ew ciwan ji bo çareseriyê dibin çavdêriya pijîjk de ye.”

Rudaw