Li Riwandizê projeyeke torîstîkî vekir.

Di çarçoveya serdana xwe ya bo îdareya serbixwe ya Soranê de, Serokwezîr Mesrûr Barzanî piştî danîna kevrên bingehîn yên sê projeyan û civîna li gel rayedarên Soranê, serî li Riwandizê jî da û kevre bingehîn ya projeya ekvapark ya Riwandizê jî danî.

Di merasîmê de Serokwezîr gotarek pêşkêş kir û anî ziman ku, hikûmeta herêma Kurdistanê berdewam dibe li ser pêşkêş kirina xizmetgozariyan bi tevahiya welatiyan li seraserê Kurdistanê û anî ziman ku, bi piştîvanî û berxwedana xelkê nîştimanperwer dikarin tevahiya stengî û qirîzan derbas bikin.

Mesrûr Barzanî herwiha diyar kir ku, hikûmet girîngiyeke gelek zêde bi kerta torîstîkî dide lewre hevkarî û karasanî bo projeyên taybet yên kerta torîstîkî dike.

Mesrûr Barzanî behsa rola devera Soranê di her warî de kir û got: Devera Soranê devereke gelek girîng çi di warê torîstîkî, çi di warê bihevre jiyanê û çi di warê abûrî de jî lewre lezime zêdetir xizmeta vê deverê were kirin û pêwîste çanda bihevre jiyana aştiyane jî li vê deverê were parastin û bihêztirkirin.

Barzanî di berdewamiya axaftinên xwe de anî ziman ku, di bername û plana hikûmetê de heye daku, di demên pêşde projeyên girîng û zêdetir li wan deveran cîhbicîh bike.