Seroka Barzanî di peyamekî de di salvegera derketina kovara Gulanê de dibêje, kovara Gulan,  hewil daye bibe bingehek ji bo belavkirina çanda hevgirtinê û lêborînê û pêkvejiyana di navbera tevahiya ol û neteweyên cuda yên li Kurdistanê û Gulan hemû demê jî navendeke azad bûye ji bo berhevkirina nêrînên cuda  yên destebijêr û pisporên herêmî û derve.

Naveroka daxuyaniyê:

Binavê xwedayê mezin û dilovan, birêz sernivîskar û karmend û endamên kovara Gulan, ez bi boneya 30emîn salvegera kovara Gulan, pîrozbahiyên xwe yên gerim pêşkeşî tevahiya karmend û endamên kovara Gulan  û xwendekarên we dikim.

Kovara Gulan di nava pêbendiya bi bingehê neteweyî û niştimanî de kariye bi awayekî pir pîşeyî xizmeta rojnamegeriya kurdî û dîroka neteweyî û niştîmaniya Kurdistanê bike û hewildaye bibe bingehek ji bo belavkirina çanda hevgirtinê û lêborîn û pêkvejiyana di navbera tevahiya Ol û netewên cuda yên Kurdistan û hemû demê jî navendeke azad bûye ji bo komkirina nêrînên cuda yên destebijêr û pisporên herêmî û yên derve.

Bi vê minasebetê careke din spasiya we dikim ji bo hewlên we û hêvîdar im hûn zêdetir li ser pirensîpên netewî pêbend bin, û roleke zêdetir di belavkirina çanda lêborîn û pêkvejiyana neteweyî û olên cuda li Kurdistanê de bilîzin.

Mesûd Barzanî

20.04.2024