Ehmed Turk Hevserokê Kongira Civaka Demokratîk , bi mebesta lihevanîna du malbatên xwîndar, duhî berê xwe da bajarê Mûşê.

Ehmed Turk li avahiya BDPê ya li Mûşê civîneke çapemeniyê li darxist û têde diyarkir ku ji bo wan herdû malbatên xwîndar li hev bîne ew hatîye Mûşê û got: ‘’Em wek KCD û BDPê pir hewl didin pirsgirêkên di navbera gel de çareserbikin. Pêwîste berî her tiştekî em aştiyê di nav xwe de pêk bînin. Baweriya me ew e heger em aştiyê di nav gelê xwe de berfirehtir nekin, em nikarin aştiyê li Tirkiyê û cîhanê pêk bînin.’’