Kotayî gemeke şerrêk serlenwê rojhellatî nawerrast pênase dekatewe

 

le dwayi cengî duwemî cîhanîyewe eme yekemîn care şerrêkî gewre le nawçeyekî giringî wek rojhellatî nawerrast helldegîrsêt, ke hîç mezndeyek nakrêt, em şerre le xallêkda radewestêt û be danustandin çareser dekrêt û, ew layenaneyi rastewxo lem şerrewe têweglawn, ewca çi ew layenaneyi rastewxo û narrastewxo pşitgîrîyi bzûtineweyi ḧemas û xellkî felestîn deken, yan ew dewllet û layenaneyi ke rastewxo û narrastewxo pşitgîrîyi îsirayl deken, wêrrayi hemû nakokîyekan leser ewe kokin, em şerre be şkst û teslîmbûnî layek û serkewtinî layenekeyi dîke tewaw debêt.

lem core şerraneda ke tirûskayiyek bo çareserî aşitîyane û danustandin bo çareserkrdinî kêşekan namênêt, wek le dû sallî rabrduwî şerrî okraniya û rûsiya bînîman, hemû egere xirap û kawlkarîyekan krawe debin, astî tollekrdinewe hemû sinûrêkî mirovayetî têdeperrênêt û, bêbehakrdinî behayi mirovayetî û mirovbûn dekrête prrupagendeyi serkewtinî layenekan le berekanî şerrda.

ew şerreyi êsta le rojhellatî nawerrast berdewame, le dwayi hêrşekeyi 7î tşrînî yekemî sallî 2023î bzûtineweyi ḧemas bo ser îsirayl destî pê krduwe, ciyawaz le şerrî okraniya û rûsiya, ke hêzî nato rastexo beşdarîyi şerrekeyi nekrduwe û teniya pêdawîstî û locstî û serbazîyan dawe be supayi okraniya, herweha şerreke le naw xakî okraniya lẍawgîr krawe û neperriywetewe bo parçekanî dîkeyi ewrupa, bellam le şerrî êstayi rojhellatî nawerrastda leser astî ciyawaz werçerxanî zor tirsinak debînrêt, lêreda be çend xallêk amajeyi pê dekeyin:

şerreke nek her le nêwan îsirayl û ḧemasda lẍawgîr nekrawe, bellku beşêkî frawanî rojhellatî nawerrastî grtuwetewe û mezndeyi eweyi lê dekrêt ziyatir frawantir bibêt û nawçeyi dîkeş bigirêtewe, betaybetî le êstada ke çekdaranî ḧusî le yemen rêrrewî barizganîyi deryayan le deryayi sûr xistuwete metirsîyewe, ke berjewendîyi dewlletanî cîhan, bew dewlletaneşî pşitgîrîyi felestîn deken, pêwîstî beweye ew metirsîye nehêllin ke naseqamgîrîyi le deryayi sûrda drust krduwe.

ew dewlletaneyi rojawa ke pşitgîrîyi îsirayl deken, betaybetî (emirîka û berîtaniya) be aşkra û rastewxo bûnete beşêk lew şerre û rojane be frroke û rokêt le 'êraq û yemen lew hêzane deden ke hêrş deken ser binikekanî emirîka û paporrekanî barizganî le dereyayi sûr. êran ke pêşitir teniya le rêgeyi supayi pasdaranewe pşitgîrîyi bzûtineweyi ḧemas û mîlîşiya çekdarekanî ('êraq, sûriya, lubinan û yemen)î dekrd, êsta wek dewllet sinûrî dewlletanî dewruberî debezênêt û be rokêt bombibaraniyan dekat.

herdû layenî şerreke (îsirayl û hawpeymanekanî, ḧemas û hawpeymanekanî) hîç layekiyan birrwayan be aşitî nîye, stiratîjiyetiyan sirrîneweyi yektirîye, ḧemas û hawpeymanekanî pîyan waye ta wcûdî îsirayl nesirrêtewe, nawçeke seqamgîrî be xoyewe nabînêt, le beranberda îsirayl û hawpeymanekanî pêyan waye heta çekdaranî ḧemas û mîlîşiya hawşêwekanî le 'êraq û sûriya û lubinan û yemen wcûdiyan hebêt, ewe hergîz rojhellatî nawerrast seqamgîrî be xoyewe nabînêt.

leber roşnayî em ciyawazîyane û ew mudêle tazeyeyi şerr ke nawçekeyi grtuwetewe, rojhellatî nawerrast dûbare pêwîstî be darrşitineweyi sîstmêkî taze heye, ewca skêçî em sîstme tazeye çon dekêşrêt, bedaxewe nûkî ew rokêtane diyarî dekat ke lem şerre mallwêranikereda deteqêndrên.

şerrî ẍezze

hellwêstî dewlletanî 'erebî îḧrac krduwe

le dwayi sallî 1948ـewe ke dewlletî îsirayl damezirawe, heta 7î tşrînî sallî 2023 ke ḧemas hêrşî krde ser îsirayl, hîç katêk wek êsta hellwêstî dewlletanî 'erebî bem şêweyeyi êsta beranber be kêşeyi felestîn lawaz nebuwe, tenanet eweşî pêyi degutirêt «desellatî nîşmanîyi felestîn» baregakeyi le şarî ramellllaye le felestîn, beḧîsab wek dewllet mamelleyi legell dekrêt û le naw baregayi netewe yekgrtuwekan û dewlletan nwêner û balliyoziyan heye, ewîş hellwêstî hênde lawaz buwe, natwanêt be başî bergrîyekî dîplomatîyane lew xellke medenîyane bikat, ke le hemû pêdawîstîyekî jiyan bêbeş krawn.

be heman ast her le rojî damezirandîyewe heta rojî 7î tşrînî 2023, hîç katêk îsirayl ne bew core drrindeyiye hêrşî krduwete ser felestîn û ne bem bêbakîyeyi êsta wellamî netewe yekgrtuwekan û encumenî asayşî nêwdewlletî dawetewe, le seruwî hemû emaneşewe le hîç şerrêkî îsiraylda rojawa bem aste berize pşitiywanîyi xoyi bo îsirayl pîşan nedawe.

dewlletanî 'erebî ke beşêkî zoriyan peywendîyekaniyan legell îsirayl asayî krduwetewe û pêşwazîyan le balliyozekanî îsirayl krduwe, beşêkî dîkeşiyan eger be fermî peywendîyekaniyan legell îsirayl asayî nekrdbêtewe, ewa dijayetî îsiraylîş naken, bellam şerrî ẍezze em barudoxeyi bew core gorriywe, ke be aşkra herdû dewlletî (s'udiye û qeter) dellên eger îsirayl şerr rabigirêt û bigerrêtewe bo çareserî «dû dewllet» ewa wek (s'udiye û qeter) dellên «dewlletanî dîkeyi 'erebîş peywendîyekaniyan legell îsirayl asayî dekenewe û bemeş metirsîyi neman le îsirayl derrewêtewe».

le beranber em hellwêsteyi dewlletanî 'erebî ke le êstada s'udiye û qeter pîşanî deden, hîç dewlletêkî 'erebî berperçî ew pêşniyareyi nedawetewe û retî nekrduwetewe, bellam hellwêstî îsirayl û ew dewlletaneyi rojawaş ke pşitgîrîyi îsirayl deken, em pêşniyareyan wek çareserêk bo kotayîhênan bem şerre werinegrtuwe û pşitgîrîyan lê nekrduwe, tenanet eger hendêk dewlletîş pşitgîrîyi lê krdbêt, pşitgîrîyeke teniya nmayşêkî dîplomatîyane buwe û, leser erizî waqî' karî pê nekrawe û, çawpoşî le hêrşekanî îsirayl bo ser ẍezze û lubinan û sûriya krawe.

kotayî gemeke

skêçe tazekanî rojhellatî nawerrast

leber eweyi ew binemayeyi ke deyangut «maf hêz drust dekat» gorrawe bo eweyi «hêz maf drust dekat», ewa skêçî tazeyi rojhellatî nawerrast ew layene diyarî dekat ke xawenî hêzî ziyatire û çarenûsî em şerre bo berjewendîyi xoyi yeklayî dekatewe, şerrekeş qonaẍî eweyi têperranduwe ke teniya lenêwan dû layen bêt, bellku le nêwan komellêk layendaye û komellêk şwênî ciyawazî grtuwetewe, boye ewaneyi beşdar debin le darrşitineweyi skêçe tazekanî rojhellatî nawerrastda, ew layenane debin ke lem şerreda hawpeyman debin.

bepêyi ew derhawîşitaneyi le berdestin û akamî şerrî okraniya û rûsiyaş, ke pêdeçêt be endambûnî okraniya le yekêtîyi ewrupa be layekda bikewêt, em şerreyi rojhellatî nawerrastîş le berjewendîyi hêzî rojawa û nato tewaw debêt, ewca eger metirsîyi rûsiya teniya be kşaneweyi hêzekanî le okraniya kotayî bêt, ewa le rojhellatî nawerrastda be şkstî hawpeymanîyek û serkewtinî hawpeymanîyekeyi beranberî tewaw debêt.