Hunermendek zêdetirî 10 sal e li devereke çiyayî bi tena serê xwe dijî, li quntara çiyayekî li derdora Silêmaniyê, xwe spartiye cih û warê bav û bapîrên xwe û peyama wî ya aştî û pêkvejiyanê heye û dixwaze bigihîne encamê û piştre bi temamî xwe ji mirovan dûr bixe.

Şemal Qadir diyar dike ku bûye 10 sal dest ji dinyaya civakî berdaye û li nav sirûşt û şikeftan ji xwe re jiyanek pêk aniye.

Qadir destnîşan dike; cihê ku niha lê dimîne, "mala bêzarî û şermezariyê" ye û dibêje: “Min loma ev der hilbijart, çimkî ez xwe weke bêzar û şermezar dibînim.”

Şemal Qadir dema diçe cihekî, hewl dide çavkaniyên wê derê vejîne û ji paşmahiyên wê derê hunerên nû çêbike.

Şemal Qadir ku ji beşa huneran mezûn bûye, naxwaze careke din vegere nav xirecira jiyanê û dibêje ku wî biryar daye, xwe bi yekcarî di nav cîhana sirûştê de winda bike.

K24