Keça stranbêjê navdarê Tirkiyê Ibrahîm Tatlises, Dîlan Çitak Tatlises li ser hesaba xwe ya Instagramê ragihandiye, ku bi vîrusa koronaya nû COVI-19 ketiye. Dîlan Çitak Tatlises gotiye: “Encama testa min a COVID-19 pozîtîv derket.”

Li gor medyayên Tirkiyê, çend roj berî niha destgirtiyê keça Tatlises, Levent Dorter jî bi koronayê ketibû.

Dîlan Çitak Tatlises di Instagrama xwe de wiha nivîsandiye: “Ji ber giliyên min ên windakirina bêhnê û tamê û encamdana pişkinîna COVID-19, encama pişkinîna min pozîtîv derket.”

Keça Tatlises, Dîlan piştî ku encama testa destgirtiyê wê Levent Dorter pozîtîv derketibû, di weşaneke zindî de li ser hesaba xwe ya Instagramê ragihandibû: “Ez jî niha bê hal im, têm dermankirin, Xwih didim, di bêhndanê de hinekî zehmetiyê dikişînim. Bêhalî zêde ye. Ji nexweşketinê ditirsim.”

Rudaw