Heftemîn Pêşangeha Pirtûkan li Bajarê Amedê yê Bakurê Kurdistanê di roja dawî de li ser pêşwazîkirina welatiyan berdewam e û hejmareke zêde ya xelkê serdana wê dikin.

Li gor sala derbasbûyî, rêjeya kesên serdana Pêşangeha Kitêban kirine nêzîka ji sedî 50 zêde bûye. Heftemîn Pêşangeha Pirtûkan a Amedê di roja dawî de li ser pêşwazîkirina welatiyan berdewam e û hejmareke zêde ya berbiçav a xelkê heye.

Ligel vekirina deriyê pêşangehê, bilindbûna rêjeya beşdarvanan jî tê dîtin. Tenê di roja yekem de 24 hezar û 173 kesan serdana pêşangehê kirin.

Li pêşangehê ji 145 weşanxaneyan 25 weşanxane Kurdî ne

Di 8 rojan de 200,000 kesan serdana Pêşangeha Amedê kirine. Sala borî 109,000 kesan serdana pêşangehê kiribûn

14 kitêbên derbarê Kurdan de hatine qedexekirin 2 ji wan kitêban derbarê Mele Mistefa Barzanî de ne.

Di pêşangehê de 72 çalakiyên wêjeyî hatine kirin û zêdeyî nîvê wan bi zimanê Kurdî bûn

250 nivîskar amade bûn û kitêbên xwe îmze kirin ku Îsmaîl Beşîkçî yek ji wan nivîskaran bû.

Îsal dema Pêşangeha Pirtûkan a Amedê 9 roj bûn, di demekê de ku çend salên derbasbûyî ew dem 6 roj bû. Pêşangeh roja 28ê Îlona 2019ê hat vekirin û îro 6ê Cotmeha 2019ê roja dawî ya pêşangehê ye.

Ev di demekê de ye ku Partiya Demokratîk a Gelan (HDP) amadekariyê bo destpêkirina kampanyaya zimanê Kurdî dike. Bo vê mebestê jî çend komele û rêxistinên akademîk piştîvaniya xwe ragihandine.

Li gor plana HDPê, li bajar û bajarokên Bakurê Kurdistanê bi rêya mamoste û wanebêjên zimanê Kurdî dewreyên ziman ên demdirêj tên vekirin. Herwiha hewl tên dayîn ku hemû astengên li ber xwendina bi zimanê Kurdî bên rakirin û hewldan jî bi rêyên yasayî dibin.

Rudaw