Hêzên rejîmê ji destê xelkê reviyan.

Xwepîşandanên dijî kuştina keça Kurd Jîna Emînî bi destê hêzên rejîmê li Rojhilat û seraserê Îranê berdewamin û li gelek bajaran zirarên gelek mezin bi hêzên rejîmê hatine gehandin.

Di vê çarçoveyê de ev 24 seate ku, bajarê Şino ya li Rojhilatê Kurdistanê ku, yek ji bajarên steratejîkî ya Rojhilatê ye û bo rejîmê xwedan girîngiyeke taybete, ji aliyê xelkê bajêr ve hatiye azadkirin.

Li gor zaniyariyên berdest, xelkê Şino tevahiya îdareyên fermî yên rejîmê li bajêr kontrol kirine û hêzên rejîmê jî ji tirsa xelkê ji bajêr derketine û reviyane.