Hunermendekî kurd stranek bo piştevanîkirina referandom û serxwebûna Kurdistanê gotiye û ji gelê Kurdistanê jî dixwaze, roja referandomê dengê “erê” bidin serxwebûna Kurdistanê.

Hunermendê kurd Kerîm Gulanî li ser referandom û serxwebûna Kurdistanê ji BasNewsê re got, min stranek li ser referandomê gotiye û her tiştên wê min bixwe çêkiriye. Stran amade ye û dê di nav çend rojên bê de were belavkirin.

Kerîm Gulanî her wiha got, bila gelê Kurdistanê roja 25 Îlonê biçin ser sindoqan û guh nedin nakokiyên partiyên siyasî û dengê “erê” bidin serxwebûna Kurdistanê.

Wî hunermendê kurd da xuyakirin ku firsenda ku îro bo gelê Kurdistanê hatiye pêş 100 salên din jî nayê pêş û got, ji ber wê jî bila hemû dengê “erê” bidin serxwebûna Kurdistanê.

Basnews