• Thursday, 28 March 2024
logo

Li TikTokê postekî mezin bi Kurdekî hat dayîn

Gulan Media August 14, 2020 Corane
Li TikTokê postekî mezin bi Kurdekî hat dayîn
Kurdekî xelkê Başûrê Kurdistanê di kompaniya TikTokê de dibe rêveberê beşa Rûbirûbûna Tundûtûjiyê.

Derûn Ebdulkerîm ku xelkê Silêmaniyê ye û xwendekarê doktorayê ye, dibe rêveberê beşê li kompaniya Zebelah li sosyal medyaya TikTokê.

Derûn Ebdulkerîm berî niha jî di kompaniya Facebookê de li beşa operasyona cîhanî kar kiribû û nêzikî 2 salan li wê beşê berdewam kiribû.

Ji ber ezmûn û şiyanên xwe Derûn Ebdulkerîm niha li kompaniya TikTok berpirsê Programa Rûbirûbûna Tundûtûjiyê ye di wê torê de.

Derûn Ebdulkerîm li Almanyayê master û doktora li beşa Zanista Asayişa Netewî dixwîne û pêştir jî ji sala 2015an ta 2018an li Parlamentoya Kurdistanê wek pispor kar kiriye. Ebdulkerîm jibilî Kurdî, zimanên Almanî, Îngîlîzî û Erebî dizane.

TikTok sala 2016an ji aliyê kompaniya ByteDance ve hatiye dahênan û li ser asta cîhanê 800 milyon bikarhênerên wê hene û di niviya yekem a îsal de ji ber belavbûna vîrusa koronayê û kerentînekirina xelkê, bikarhênerên zêdetir li ser asta cîhanê bidest xistine.

Destpêka vê hefteyê Serokê Amerîkayê Donald Trump biryar da miamelekirina li gel herdu torên civakî TikTok û We Chat qedexe bike û bi gotina wî ew herdu eplîkeyşinên torên civakî ji aliyê Çînê ve bi xirabî tên bikaranîn.
Top