Baxçeyeke ajelan li Amerîkayê ragihand, ku pilingek li wê baxçeyî bi vîrusa koronayê ketiye, lê belê rewşa tendirustiya piling baş e.

Li gor daxuyaniya Encûmena Parastina Ajelan a li Amerîkayê, dibe ku ew piling vîrusa koronayê ji kesekî wergirtibe, ku li wê baxçeyê kar dike û xwarinê dide wî ajelî.

Encûmena Parastina Ajelan a li Amerîkayê dibêje, navê wê pilingî Nadia ye û 4 salî ye.

Di daxuyaniyê de herwiha hatiye gotin, li heman baxçeya ajelan 3 şêr jî nîşaneyên kuxika hişik di laşê wan de derketiye, lê belê tê çaverêkirin ku baş bibin.

Nûçeya belavbûna koronayê di nava ajelan de heta niha derbarê seg û pisîkan de bû, lê belê niha derketiye ku ajelên din jî bi vê vîrusê dikevin.

Pêştir li Hong Kongê çend haletên tûşbûna seg û pisîkan bi koronayê hatibû ragihandin, ku ji mirovan ve vîrusa COVID-19 wergirtibûn.

Rudaw