Roja 07.03.2018ê li Salona Havana ya Hewlêrê ji ber roja cilûbergên netewî yên Kurdistanê, ji aliyê jina pêşkeşkar û rojnamevan a kurd Naz Ebdula ve pêşangeha pêşandana cilûbergê cilûbergên kurdî pêkhat.

Di merasîma ku duh êvarî 07.03.2018ê pêkhat û bi amadebûna beşek berçav kesên rewşenbîr, rojnamevan, saziyên çapemeniyê ve bi li berxwe kirina cilên Ala kurdî ve destpê kir û bi çalakiyên rengîn ên cilûbergên çandî yên resen ên kurdî ve birêve çû.

Ew cilûbergên cuda ew bûn ku Naz Ebdula di karê xwe yê çapemenî û pêşkeşkariyê de bo xwe dizayn kiribûn.

Pêşkeşkarê merasîmê Şem Berhem ku keça Naz Ebdula bû, xêrhatina mêvanan kir û merasîmê bi rêz girtin û sirûda şehîdan ve destpê kir.

Di merasîmê de Naz Ebdula ragehand: ‘’Min ji ber roja cilûbergên netewî yên Kurdistanê baş dît ku pêşandanek waha pêkbînim û herwaha pêşangehek a vê salonê ve hewl û tekoşînê ji bo pêşxistina çanda netewî re bibe beşek .’’

Di beşek din ê merasîmê de keçên xwandekar ên koleja Nobel a taybet bi cilûbergên kurdî yên bi Ala Kurdistanê ve hatine nexşandin pêşandanek balkêş pêkanîn.

Piştre bi dekomentereke wêneyî ve jiyan, berhem, çalakiyên hunerî, çapemenî û xêrxwazî û civakî yên jina rojnamevan Naz Ebdula hate pêşkeş kirin.

Herî dawiyê de jî xelat li ser keç û xwandekarên pêşandanê hatin dabeş kirin.