ئــــابـــورناس، بێوارحسێن زێباری: پشكداریا مسرور بارزانی ل داڤۆس پێگه‌هێ كوردستانێ ل ئاستێ نێڤده‌وڵه‌تی بلند كه‌ت
نڤیسه‌ر و ئابووریناسێ گه‌نجێ كوردستانێ، به‌حس گرنگییا بەشداریكردنا شاندا هەرێما كوردستانێ ل كۆڕبه‌ندێ جیهانی دكه‌ت، ئه‌ڤ چه‌نده ژی ئاشكرا دكه‌ت كو نەیارێن كوردستانێ حەز ناكەن شاندا هەرێمێ كوردستانێ ل كۆڕبەندێ جیهانی پشكداریێ بكەن و ئه‌ڤ كۆڕبه‌نده ژی زۆر گرنگ ژ ڕۆیێ ئابووری و سیاسی و دبلۆماسیڤه ژی و هه‌ر كه‌لتووری ژی گرنگییا خۆ هه‌یه بۆ ده‌ڤه‌رێ، پشكدارییا مسرور بارزانی، بۆ كوڕبه‌ندێ داڤۆس، دێ ڕۆله‌كێ گرنگ هه‌بیت و كو كوردستانێ ژی ژ ڕۆیێ مرۆڤ دوستی و هه‌بوونا خودان مه‌زنترین سامان، كو ئه‌و ژی هه‌بوونا خۆڕاگرییا خه‌لكێ مه یه دێ نیشان ده‌ت.
بێوارحسێن زێباری، نڤیسه‌ر و ئابووریناس، بۆ (گوڵان) گوت: "چوونا مه‌سرور بارزانی، سه‌رۆكی حكوومه‌تا هه‌رێما كوردستانێ، بۆ ڤان جۆره كۆنفرانسانه، یان كۆڕبه‌ندێن جیهانی وه‌ك داڤۆس یان ژی هه‌ر خرڤه‌بوونه‌كا دیتر بیت بۆ دیتن و دانوستاندنا وان دگه‌ل به‌رپرسێن ده‌رڤه ل سه‌ر مژاڕێن گرنگ یێن ئابووری و سیاسی، گرنگییا زۆر هه‌یه، ئه‌گه‌ر چ داڤۆس زێده‌تر د وارێ ئابووری و كه‌لتوری و پێگه‌هێ كوردان هاتبیته وه‌رگرتن و ئه‌ڤساڵه و ساڵا بۆری ژی هه‌بوونا دانوستاندنێن گران ل‌سه‌ر زیره‌كیی ده‌ستكرد بوو و دیسان ژی دوارێ جودا دا هاتبوو به‌حسكرن، ئه‌ڤه ژی هه‌موو بۆ ملله‌تێ مه دێ یا مفادار بیت و به‌لێ بۆ مه كورد، كو هێشتا ده‌وڵه‌ت نین، كۆڕبه‌ندێن مه‌زن نێڤدەوڵەتی، كو ل ناڤ خۆدا بكرێت و ئه‌م ل ئاستێن جیاوازدا بچین نوێنه‌رایه‌تیی تێدا بكه‌ین، گرنگەئه‌ڤ چه‌نده بۆ مه‌هاتیه و دڤێت هه‌موو كه‌سه‌ك ژی پێشوازی ژ ڤان جۆره خرڤه‌بونان بكه‌ن. بوویه هه‌ر كۆڕبه‌ندێكێ نێڤده‌وڵه‌تی ب ڤی شێوازه، قودیكه‌كا گرنگه بۆ په‌ره‌پێدانا دیپلۆماسیه‌ت و په‌یوه‌ندیێن و ناساندنێ به‌رده‌وام كورد ب جیهانێ ده‌رڤه و ناساندنا وان بابه‌تێن بۆ كوردستانێ گرنگن و ل ڤێ كۆڕبه‌ندا مه‌زن وه‌ك نموونه ل داڤۆس دهێنه به‌حس كرن و ئه‌ڤه چه‌نده ژی باش بزانین كو دووباره نابنه‌ڤه له‌وما یا فه‌ره و گرنگه ڤان ده‌لیڤانه ژ ده‌ستخۆ نه‌ده‌ین بۆ هندێ مه ژی وه‌ك هه‌ر نه‌ته‌وه‌یك دیتر پێگه‌هێ خو هه‌بیت و ب بلندی بۆ جیهانێ و ئاستێ نیڤده‌وڵه‌تی بهێته ناسین و زێده‌تر گرنگی ژ ئابوورا ناڤخۆ بده‌ین."
ل سه‌ر وێ شاندێ ئه‌وه كو ڤان جۆره ده‌لیڤانه ژ ده‌ست خۆ نه‌ده‌ن و پاش گۆێڕایه‌ل بن ل سه‌ر هه‌ر پێنگاڤ و ئه‌ره‌ك و كاره‌كێ دهێته به‌حسكرن ب گرنگی و به‌رچاڤ بهێته وه‌رگرتن بۆ هندێ ببیته ئێك ژ ئه‌گه‌رێن هندێ كو ژ ڕۆیێ ئابووری و كه‌ش و هه‌وا و سیاسی و هه‌ر واره‌كێ دیتر دا ڕۆل هه‌بیت و بكارن خه‌لكه‌كێ زێده‌تر و پسپۆڕێن زیریك و شاره‌زاتر به‌رێ وان بدهنه هه‌رێما كوردستانێ و بۆ وان زێده‌تر كه‌لتوو رو ئارامییا كوردستانێ بدهنه ناسین.
هه‌روه‌سا ژی: " كو ب بۆ چوونا من ئه‌وه ژ ڤان سه‌ركردێن كوردستانێ، ب تایبه‌تی برا گه‌وره مه‌سرور بارزانی ل وێ كۆڕبه‌ندێ دانابڕێن و هه‌وڵ دده‌ت ئاماده‌ییا وی گرنگییا خۆ هه‌یه و دێ هه‌بیت ژی ئه‌ڤه وزۆر گرنگه بۆ هه‌رێما كوردستانێ، ڕه‌نگه نه‌یار هه‌بیت و ئه‌و نه‌یار ژی زۆریان پێ ناخۆش بێت بۆ پشكدارییا وی د ڤێ كوڕبه‌ندێ دا لێ به‌ڕۆڤاژی ئه‌ڤه زۆرا گرنگه بۆ مه وه‌ك كورد، به‌ڵێ تا ده‌رفه‌ت هه‌بیت، ناكرێت گوێ ل ئاخفتنا وان نه‌یاران بگرین.
ئه‌ڤا هه‌نێ یا سه‌ری كو مه ئاماژه دایێ ئه‌و وێ یه‌كێ دگه‌هینیت پشكداریا مسرو بارزانی، دێ چاڤ ب زۆر سه‌ركرده و سیاسه‌تمه‌دار و كه‌سێن به‌رنیاس یێن جیهانێ كه‌ڤیت، دیسان ژی دگه‌ل ڤان كۆمبونان ژی كو دێ ڕێژه‌كا زۆرا كۆمپانیان ئێنته سه رخه‌ت بۆ ئینانا كوردستانێ.
ژ به‌رهندێ هه‌بوونا ڤان جۆره هه‌ڤدیتنێن سه‌ركردان، دێ گرنگیا خۆ هه‌بیت بۆ زێده‌تر موكمكرنا په‌یوه‌ندیان و دیسان كرنا هند گرێبه‌سـین ئایووری و سیاسی و دبلۆماسی بۆ ده‌ڤه‌رێ، ئه‌ڤه ژی دبیته ئێك ژ ده‌لیڤێن دیتر بۆ ڕاكێشانا وه‌برهێنانێ و گرنگه بۆ بلند كرنا ئاستێ ئابووری یێ ناڤخۆ، ئه‌ڤه دبیته هۆكار بۆ هندێ كو زێده‌تر هه‌ڤكاریا وه‌لاتان بهێته وه‌گرتن بۆ هه‌ر ئه‌گه‌ره‌كێ نه‌چاڤه‌رێ كری یان یێن دیتر.
ئه‌ڤه ژی نه تنێ د ئاستێ كۆمبوونا و بینان بیت به‌لكۆ دێ گرنگی ب وارێن دیتر ژی هێته دان وه‌كی كه‌لتوورێ كوردان و كێشه و ئاریشێن مه یێنم ناڤخۆیی و ده‌رڤه ژی هه‌روه‌سا دگه‌ل گرنگی دانا ته‌كنه‌لۆژیایێ و تۆڕێن بهێز ڕێیێن هاریكاری و پشته‌ڤانیێ.هه‌رێما كوردستانێ ژی دكاریت مفا ببینیت ژ ڤێ كوڕبه‌ندێ بۆ ژینگه و كه‌ش و هه‌وا هه‌ر ئه‌گه‌ره‌ك دیتر بۆ گه‌لێ كوردان یێ ده‌ستكه‌فت و مفادار بیت.
