بوومەلەرزەیەک بە گوڕی 6.9 پلە باشووری ڕۆژئاوای ژاپۆنی هەژاند
سەنتەری کەشناسی ژاپۆن ڕایگەیاند: بوومەلەرزەیەک بە گوڕی 6.9 پلە بە پێوەری ڕێختەر کەناراوەکانی پارێزگای میازاکی لە باشووری ڕۆژئاوای وڵاتەکەی هەژاندووە.
بوومەلەرزەکە کاتژمێر 21:19 خولەک لە قوڵایی 30 کیلۆمەتر روویداوە.
دەزگای ڕووپێوی جیۆلۆجی ئەمەریکا (USGS) هەروەها گوڕی بوومەلەرزەکەی بە 6.8 پلە ڕاگەیاند.
بەگوێرەی تۆڕی تەلەفزیۆنی NHK ی ژاپۆن، دەسەڵاتداران هۆشدارییان داوە بۆ کەناراوەکانی میازاکی و کوچی.
ئاژانسی هەواڵی فەرمی کیۆتۆ هەروەها بڵاویکردەوە، کە بوومەلەرزەکە لە دوورگەی کیوشو هەستی پێکراوە.
شایانی باسە پارێزگای میازاکی دەکەوێتە دوورگەی کیوشو.
هەروەها تا ئێستا هیچ هەواڵێک لەبارەی ئەگەری زیانی گیانی و زیانی دارایی ئەم بوومەلەرزەیە بڵاو نەكراوەتەوە.
گوڵان: سەردار خەلیل
