ژمارەی قوربانیانی زریان له فلیپین بۆ 97 کەس بەرزبووەوه
ژمارەی قوربانیانی گەردەلوول کە باکووری ڕۆژهەڵاتی فلیپینی گرتەوە گەیشتە 97 کەس.
بەگوێرەی ئاژانسی هەواڵی فلیپین، ئەنجوومەنی نیشتمانی بۆ بەڕێوەبردن و کەمکردنەوەی مەترسییەکانی کارەساتی فلیپین (NDRRMC) ڕایگەیاند: کە تا ئێستا 97 کەس گیانیان لەدەستداوە و 69 کەسیش بریندار بوون.
بەگوێرەی ڕاپۆرتەکە 30 کەس بەهۆی زریانەکەوە بێسەروشوێنن و هەوڵەکان بەردەوامن بۆ گەڕان و ڕزگارکردنی ئەو کەسانە.
بەگوێرەی راپۆرتەکە، نزیکەی 44 هەزار و 537 باڵەخانە زیانیان پێگەیشتووە و 6.7 ملیۆن کەس زیانیان بەرکەوتووە.
گوڵان: سەردار خەلیل
