ئەگەر ئەم نێڕینەکێ بکەین بۆ پرسا ئاشتیێ ل وەلاتێ تورکیا دەربارێ کوردان، ئەڤا ھەنێ بۆ چەندین پرسان دێ ھێتە ئاراستەکرن، وەک بێ باوەری و گوتنا ھەر جار و یا ھەموویێ گرنگتر ئەوە کو خەلکێ مە فێربوویە و دبێژن ھەردەما تورک بەحسا ئاشتیێ بکەت ئەوا ئێکسەر وانا ھزر د شەڕەکێدا کریە و دبیتە شەڕ.
ئەڤ پرۆسەیە ژی نە یا نوکەیە کو ئەڤا نوکە ل تورکیا بەحس دھێتە کرن، ئەو بەریا دەمەکێ دیتر بوویە لێ نەھاتیە ڕاگەھاندن و یا ڤەشارتیی بوویە ئەڤ پرسە، بەلێ نە تنێ ئەڤ پرسە ھەر کارەک بیت پێشتر بەرنامە و پلان بۆ دھێتە داڕێشتن پاشڕا دھێتە ڕاگەھاندن، ئەو ژی وەک دھێتە بیھستن کو بەریا نوکە کار ل سەر ھاتییە کرن.
بۆچی تورکیا دڤێت ڤێ پرسێ دگەل کوردان داوی بینیت؟ و بەری نوکە ئەو چەندە گوتییە و لێ ب جدی کار ل سەر نەھاتییە کرن و تنێ ھندەک بزاڤێن لاواز بووینە، ئایا نھا ژی ھەر ئەو چەندە بیت یان ژی دێ ئەڤ جارە زێدەتر بەرەڤ پێشڤەچوونێ ڤە چیت یان نە .
وەکی مە ل دەستپێکێ ئاماژە دایە ھندێ بۆچی تورکیا د ئەڤڕۆکە دا ئەڤ چەندە دڤێت؟ ئەو ژی بۆ ھندێ یە کو ئاگرێ شەڕێ بەربوویە ل ڕۆژھەلاتا ناڤی یێ ئیسرائیل دگەل ئیران و گروپێن توندڕەو جھێن دیتر و ئەڤە بوویە ئێک ژ مژاڕێن گرنگ بۆ تورکیا و دیسان ل سووریێ ژی کو نوکە ژی لێ نزیک دێ گوھۆڕین ھێنە کرن، ئەو چەندە بو تورکیا ژی چ وارێ سەربازی یان ئابووری و ئارامیێ ڤە ژی بیت دێ دگەل وانا ژی تێکھەڵ بیت.
لەوما ژبلی ھەبوونا شەڕێ وان دگەل گەریلایێن پەکەکەی، ئەو کەفتیە د وارەکێ زۆر نەخۆش و مەترسی بوو دروست بییە و ئەڤە چەندە ب دەلیڤە دیتیە کو خۆ ڕزگار بکەت ژ ڤان کێشەیان.
ژ ڕویێ ئابووریڤە ژی کو کارتێکرن ھاتییە کرن و دھـێتە کرن و دیسان گەشتیاریڤە ژی دێ ئەڤ چەندە بۆ تورکیان دبیتە ئاریشە و کاریگەریا خۆ یا ئەڕێنی ھەبیت ژ ناڤخۆیا خۆ ژی و بەرھندێ پرسا کوردی ل دەڤەرێ بۆ زۆرا گرنگە و دبیتە ئێک ژ دەرگەھێن چارەسەریێ و باشکرنا مافێن مرۆڤی، جارەکا دیتر ئەو دکارن ب ڤێ ڕێیێ خۆ نزیکی ئەورۆپان بکەتڤە و ببیتە ئێک ژ ھەڤپەیمانێن وان یێ گرنگ و بییتە جھێ باوەریا وان.
وەکی مە گوتی ڕۆژئاڤایێ کوردستانێ ژی کو ڕۆژ ب ڕۆژ بەرەڤ پێنگاڤێن باشتر و سەربەخۆیێ دچیت ئەو چەندە ژی کو ل شەڕێ ئیسرائیلێ دژی وان دەولەتان کو ئەو ھەمی بوویە ئەگەرێ ھندێ پرسا ئاشتیێ جارەک دن سەرھەلبدەتڤە ل دەڤەرێ، ئەڤ ئەگەرە ھەموو بوویەنە ئێک ژ وان دەرگەھێن تورکیا بڤیت ناڤخۆیا خۆ ژی ڤێ چەندێ قورتال بکەت و دیسان دەرڤەیا خۆ ژی زێدەتر مۆکمتر بکەت.
ئایا ئەڤ چەندە ھا ھەنێ کو ئوجەلان دڤێت بکەت؟ دھێتە ئەنجامدان یان ژی تنێ گوتنەک و بێ کریارە؟
دیسان پەکەکە ژی ل سەر ڤێ چەندێ یا ئوجەلانی دڤێت کوکن یان ژی ئەو وێ ناکەت و چەکێ خۆ بدانێن بێ مەرج یان ژی مەرج دگەل گوتینە و نەھاتیە ئاشکراکرن، وەک دیتن ئەڤە ژی دبیت سیناڕویەکا دیتر بیت دژی ئوجەلانی، ئەڤە چەندێ بێ واژوو بکەن و بێژیت ێ گروپێن بناڤێ پەکەکێ یێن ترۆرستی نەماینە و ئەو ناڤ و چەکە پێ بھێتە دانان و چ پێنگاڤێن ئاشتیێ نەھێنە چارەکرن.
ژ بەرھندێ ئەڤە نوکە بوویە ئێک ژ گرنگترین مانشێـتێن خەلکی و گوتنا ھەرە یا ڕۆژێ بۆ خەلکی و ھەمی ژی دبێژن ئەڤ دێ نێرینێ کا چ ھێتە کرنێ.
بوویە ئێک ژ گوتنێن گرن ژلایێ وەلاتیانڤە و ھەموو دخازن بھێتە چاەکرن، چونکی نە تنێ بۆ تورکیابەلکو بو ئیران و باشوورێ کوردستانێ ژی بوویە کاریگەریا خۆ ھەبوویە پەکەکێ وەک گرۆپێن شەڕکەر ل دەڤەرێ. و ھەر حال تورکیا ئێکەجار بەر بەرژەوەندیێن خۆیە ل ناڤخۆیا خۆ پاشڕا دگەل دەڤەریا خۆ.