ژمارەی کوژراوانی تەقینەوەی گازی میتان لە کانێکی خەڵوز لە خوراسانی باشووری ئێران بۆ ٢٨ کەس زیادی کردووە.

پیرحسێن کۆلیوەند، سەرۆکی ڕێکخراوی مانگی سووری ئێران، سەبارەت بە تەقینەوەی گازی میتانی شەوی ڕابردوو لە یەکێک لە کانەکانی خەڵوزی شاری تەبس لە خوراسانی باشووری ئێران، زانیاریی پێشکەش کردووە.

سەرۆکی ڕێکخراوی مانگی سووری ئێران ڕایگەیاند: كە تەقینەوەكە لە ئەنجامی دزە كردنی گازی میتان ڕوویداوە.

کۆلیوەند گوتی: ژمارەی گیانلەدەستدان لە کانگای خەڵوزی تەبس بۆ ٢٨ کەس زیادی کردووە. چالاکیی تیمەكانی فریاكەوتن بۆ ڕزگارکردنی ٢٤ كرێكار کە لە کانەکەدا گیریان خواردووە بەردەوامە  و17 برینداری ئەم ڕووداوە  گوازراونەتەوە بۆ نەخۆشخانەکان.

بەپێی هەواڵی میدیاكان، کاتژمێر ٢٣:٠٠ی ڕۆژی شەممە 2١ی ئەیلوول، تەقینەوەکە لە کانگای خەڵوزی تەبس بەهۆی دزەکردنی غاز ڕوویداوە.

محەممەد عەلی ، بەڕێوەبەری گشتیی بەڕێوەبردنی قەیرانەکان لە خوراسانی باشوور، پێشتر ژمارەی کوژراوانی ئەم تەقینەوەیە بە نۆزدە کەس ڕاگەیاندبوو.   

 

 

 

گوڵان: سەردار خەلیل