ژمارەی قوربانیانی هێرشە ئاسمانییەکانی ئیسرائیل بۆ سەر بەیروت بۆ ٤٥ کەس زیادی کرد
ژمارەی قوربانیانی هێرشە ئاسمانییەکانی ئیسرائیل كە دوو ڕۆژ لەمەوبەر لە ناحیەی ضاحیە لە بەیروت ڕوویدا بۆ ٤٥ کەس زیادی کرد.
وەزارەتی تەندروستی لوبنان ڕایگەیاند، ژمارەی قوربانیانی هێرشە ئاسمانییەکانی ئیسرائیل لە ٢٠ی ئەیلول لە ناوچەی ضاحیە لە بەیرووتی پایتەختی ئەم وڵاتە بۆ ٤٥ کەس زیادی کردووە.
دوێنێ وەزارەتی تەندروستی لوبنان ڕایگەیاند، ژمارەی قوربانیان بۆ 37 کەس بەرزبووەتەوە کە 3 منداڵن و 7یان ئافرەتن.
لەم بەیاننامەیەدا هاتووە: كە ٨ کەسی دیکە گیانیان لەدەستداوە و بەم شێوەیەش ژمارەی كوژراوەكان گەیشتە ٤٥ کەس.
ئۆپەراسیۆنی فریاكەوتن بەردەوامە و لە نێو کوژراوەکاندا کەسانێک هەن کە تا ئێستا ناسنامەیان ئاشكرا نەکراوە.
کۆی گشتی ئەو کەسانەی لە هێرشەکانی ڕۆژی هەینی کوژراون بۆ ٨٤ کەس زیادی کردووە.
گوڵان: سەردار خەلیل
