سەرۆکوەزیران مەسرور بارزانی پێشوازی لە فەرماندەی گشتیی نوێی هێزەکانی هاوپەیمانان لە عێراق و سووریا دەکات
![سەرۆکوەزیران مەسرور بارزانی پێشوازی لە فەرماندەی گشتیی نوێی هێزەکانی هاوپەیمانان لە عێراق و سووریا دەکات](https://gulanmedia.com/public/images/posts/20240822215843_original_46.jpg )
سەرۆکی حکوومەتی هەرێمی کوردستان و فەرماندەی گشتیی نوێی هێزەكانی هاوپەیمانان لە عێراق و سووریا کۆبوونەوە و جەختیان لە گرنگیی هاوبەشی و بەهاداریی خەباتی پێکەوەیی نێوان هەرێمی کوردستان و ئەمەریکا کردەوە.
ئهمڕۆ پێنجشەممە 22ـی ئابی 2024، مەسرور بارزانى، سهرۆكى حکوومەتی ههرێمى كوردستان، پێشوازى له جەنەراڵ کێڤن لێیهی فەرماندەی گشتیی نوێی هێزەكانی هاوپەیمانان لە عێراق و سووریا و شاندێکی یاوەری کرد.
له کۆبوونەوەکەدا کە ستیڤ بیتنەر، کونسولی گشتیی ئەمەریکا لە هەرێمی کوردستان ئامادەی بوو، بارودۆخی گشتیی هەرێمی کوردستان و عێراق و سووریا و هەوڵەکانی ڕووبەڕووبوونەوەی مەترسییەکانی داعش و تیرۆر تاوتوێ کرا.
سەرۆکوەزیران مەسرور بارزانی وێڕای پیرۆزبایی دەستبەکاربوون لە فەرماندەی گشتیی هێزەکانی هاوپەیمانان، پێزانینی هەرێمی کوردستانیشی بۆ بەردەوامبوونی پشتیوانیی ویلایەتە یەکگرتووەکانی ئەمەریکا و هاوپەیمان دووپاتکردەوە.
فەرماندەی گشتیی هێزەكانی هاوپەیمانان، جەختی لە گرنگیی هاوبەشی و بەهاداریی خەباتی پێکەوەیی نێوان هەرێمی کوردستان و ئەمەریکا کردەوە.
پێشکەوتنەکانی یەکخستنی هێزەکانی پێشمەرگە و چاکسازییەکانی تایبەت بە وەزارەتی کاروباری پێشمەرگە، تەوەرێکی دیکەی گفتوگۆکانی دیدارەکە بوو.
![سەرۆکوەزیران مەسرور بارزانی پێشوازی لە فەرماندەی گشتیی نوێی هێزەکانی هاوپەیمانان لە عێراق و سووریا دەکات](https://gulanmedia.com/public/images/posts/20240822220151_big_770x552_18.jpg )