سەرۆکی کۆریای باکوور پێشنیاری هاوکاری وڵاتان و ڕێکخراوە نێودەوڵەتییەکانی بۆ لێقەوماوانی لافاو لەم وڵاتە ڕەتکردەوە.

بەگوێرەی ڕاپۆرتی ئاژانسی هەواڵی فەرمی کۆریای باکوور KCNA، سەرۆکی ئەو وڵاتە، کیم جۆنگ ئون، پێشنیاری یارمەتی وڵاتان و ڕێکخراوە نێودەوڵەتییەکان بۆ داپۆشینی ئەو زیانانەی کە بەهۆی بارانبارینی بەخوڕ و لافاو لە باکووری ڕۆژئاوای وڵاتەکەی ڕەتکردەوە.

بە پێی ئەم ڕاپۆرتە، ڕێبەری کۆریای باکوور ڕایگەیاند: کە لە چەند مانگی داهاتوودا ڕەنگە ١٥ هەزار کەس بگوازرێنەوە بۆ پیۆنگیانگ پایتەختی ئەم وڵاتە و ڕایگەیاند، کە لە هەر بوارێکدا پشتیوانی لێقەوماوانی لافاو دەکەن.

سوپاسی وڵاتان و ڕێکخراوە نێودەوڵەتییەکانی کرد بۆ پێشکەشکردنی هاوکاری مرۆیی و ڕایگەیاند، کە بەبێ هاوکاریی دەرەکی زیانی لافاوەکە تێدەپەڕێنن.

 

 

 

گوڵان: سەردار خەلیل