دوێنێ پێنج شەممە 13ی حوزەیران کەشتییەک کە کۆچبەرانی هەڵگرتبوو بە ٢٦٠ سەرنشینەوە لە کەناراوەکانی یەمەن نوقم بوو.

بەگوێرەی ئاماری ڕێکخراوی کۆچبەری نێودەوڵەتی ، بەهۆی نوقمبوونی ئەم کەشتییەوە لانیکەم 49 کەس گیانیان لەدەستداوە و 140 کەسیش بێسەروشوێنن و ترسی زیادبوونی زیانی گیانی هەیە.

ڕێکخراوی کۆچبەری نێودەوڵەتی لە ڕاگەیەندراوێکدا ڕایگەیاند، ئەم کەشتییە ٢٦٠ کۆچبەری لە سۆماڵ و ئەسیوپیا هەڵگرتووە و لە نزیک کەنداوی عەدەن نوقم بووە.

ڕێکخراوی کۆچبەری نێودەوڵەتی ڕاشیگەیاند، كە چالاکی ڕزگارکردن و فریاگوزاری لە ناوچەکە بەردەوامە بۆ دۆزینەوەی بێسەروشوێنەکان.

 

 

گوڵان: سەردار خەلیل