لە هەولێر پێشانگەی نێودەوڵەتی هونەری سیرامیك كرایەوە
لە زانكۆی جیهان لە شاری هەولێر بە ناونیشانی (توراب) پێشانگەیەكی تایبەت بە هونەری سیرامیك كرایەوە كە ژمارەیەكی بەرچاو لە شێوەكاران و هونەرمەندانی وڵاتانی جیاجیا تێیدا بەشداربوون.
ئێوارەی ئەمڕۆ یەکشەممە ڕێكەوتی 2/6/2024 بە ئامادەبوونى (ئومێد خۆشناو) پارێزگارى هەولێر و (ئاریان صلاح الدين) بریکارى وەزارەتى ڕۆشنبیرى و دكتۆر (نەوزاد یەحیا باجگر)سەرۆکی ئەنجومەنی زانکۆكانی جیهان,وە بەڕێوەبەرى گشتیى ڕۆشنبیرى و هونەرى هەولێر و ژمارەیەکى بەرچاو لە مامۆستایانى زانکۆ و هونەرمەندان و هونەردۆستان،ئامادەی رێوڕەسمی كردنەوەی پێشانگەكە بوون.
ئەم پێشانگەیە سەنتەرى ڕۆشنبیرى زانکۆى جیهان بە هەماهەنگى وەزارەتى ڕۆشنبیرى و بەڕێوەبەرایەتى گشتیى ڕۆشنبیرى هەولێر بەڕێوەچوو، پیشانگەكە نێودەوڵەتییە تایبەتە بە هونەری سیرامیک كە ژمارەیەك لە هونەرمەندان شێوەکارانی عێراقی و وڵاتانی دیکەی عەرەبی تێیدا بەشدارن.
گوڵان-ئاسۆ كاكەیی
