ڕێکخراوی کۆچبەری نێودەوڵەتی بە بۆنەی یەکەم ساڵیادی دەستپێکردنی شەڕی ناوخۆ لە سودان بەیاننامەیەکی بڵاوکردەوە و ڕایگەیاند، ڕۆژانە 20 هەزار کەس ناچارن ماڵ و حاڵی خۆیان بەجێبهێڵن لە سودان، کە شەڕی ناوخۆی ئەو وڵاتە بەردەوامە ، و نیوەی ئەم کەسانە منداڵن.

لەم بەیاننامەیەدا جەخت لەوە کرایەوە کە 53%ی پەنابەرانی سودان منداڵی خوار تەمەنی 18 ساڵن.

لە ڕاگەیەندراوەکەدا ئاماژە بەوە کراوە: ژمارەی ئەو کەسانەی لە 15ی نیسانی 2023ەوە بەهۆی شەڕی نێوان سوپا و هێزەکانی پشتیوانی خێرا لە سودان ئاوارەبوون، گەیشتووەتە زیاتر لە 8.6 ملیۆن کەس.

هەروەها چالاکی ئابووری لە سودان بەهۆی بەردەوامبوونی جەنگەوە تێکچووە و زنجیرەی دابینکردنی پێداویستی و گەیاندنی یارمەتی لاواز بووە.

جگە لە نەبوونی ئاسایشی خۆراک لەم وڵاتەدا 5 ملیۆن کەس ڕووبەڕووی مەترسی برسێتی دەبنەوە.

 

 

گوڵان: سەردار خەلیل