ڕۆژی یەکشەممە 11ی مانگ، فڕۆكە جەنگییەكانی سوپای ئیسرائیل جارێکی دیکە هێرشیان کردە سەر پێگەکانی حیزبوڵڵای شیعە لە باشووری لوبنان.

بە پێی ڕاپۆرتە بڵاوکراوەکان، پێگەیەکی مووشەکی لە شاری مەروحین و دامەزراوە سەربازییەکانی نزیک شارەکانی ڕامیە و یارۆن بۆردومان كراون.

کەناڵی تەلەفزیۆنی “ ئەلمەنار” کە لەژێر کۆنترۆڵی حیزبوڵڵای لوبناندایە، بڵاویکردەوە، كە دوو ئەندامی ئەم گرووپە لە هێرشەکانی ئیسرائیلدا کوژراون. هاوکات پێشتر حیزبوڵڵا ڕایگەیاندبوو، کە سێ هێرشی کردۆتە سەر ئامانجە سەربازییەکان لە باکووری ئیسرائیل.

 

 

گوڵان: سەردار خەلیل