سێ سەربازی ئیماراتی و ئەفسەرێکی بەحرەینی لە "هێرشی تیرۆریستی" کوژران
![سێ سەربازی ئیماراتی و ئەفسەرێکی بەحرەینی لە](https://gulanmedia.com/public/images/posts/20240211184202_original_28.jpg )
وەزارەتی بەرگری ئیماراتی یەکگرتووی عەرەبی لە بەیاننامەیەکدا لە تۆڕی کۆمەڵایەتی ئێکس ڕایگەیاند، لە کاتی "هێرشی تیرۆریستی" لە سۆماڵ سێ سەربازی ئەم وڵاتە لەگەڵ ئەفسەرێکی بەحرەینی کوژراون و دوو سەربازی دیکەش بریندار بوون.
لە بەیاننامەکەدا هاتووە: ئەم هێرشە لەکاتێکدا ڕوویداوە کە هێزەکانی ئیمارات ئەرکی کارەکانی خۆیان لە چوارچێوەی ڕێککەوتنی دوو قۆڵی نێوان ئیمارات و سۆماڵ سەبارەت بە مەشق و ڕاهێنانی هێزە چەکدارەکانی سۆماڵ جێبەجێدەکرد.
لە بەیاننامەکەی سەرەوەدا جەخت لەوە دەکرێتەوە کە ئیمارات بەردەوام دەبێت لە هاوکاری لەگەڵ حکومەتی سۆماڵ بۆ بەدواداچوون و لێکۆڵینەوە لەم هێرشە.
گوڵان: سەردار خەلیل