وەزارەتی بەرگری ڕووسیا ڕایگەیاند، 195 زیندانی ئۆکرانیای لەبەرامبەر 195 زیندانی هێزی ئەمنیی ڕووسیا ئازاد كراون.

ئەم زیندانیانە لە چوارچێوەی ڕێککەوتنێکی نێوان کیێڤ و مۆسکۆدا ئاڵوگۆڕ کران.

لە لایەکی دیکەوە، ڤۆلۆدیمیر زێلێنسکی، سەرۆکی ئۆکرانیا، ئاڵوگۆڕی زیندانییەکانی لەگەڵ ڕووسیا پەسەند کرد.

ناوبراو بە بڵاوکردنەوەی بابەتێک لە تۆڕە کۆمەڵایەتییەکان نووسیویەتی: ٢٠٧ سەرباز و مەدەنی ئۆکرانیا گەڕانەوە سەر ماڵ و حاڵی خۆیان.  هەروەها هەموو زیندانییەکان دەگەڕێنینەوە.

وەزارەتی بەرگری ڕووسیا ڕۆژی 24ی 1 ڕایگەیاند: فڕۆکەیەک کە 65 دیلی ئۆکرانیای تێدابوو لە ڕۆژئاوای ڕووسیا کەوتە خوارەوە و سەرجەم سەرنشینەکانی گیانیان لەدەستدا.

 

 

گوڵان: سەردار خەلیل