گروپی حیزبوڵڵای لوبنان هێرشی کردە سەر ٤ ناوەندی سەربازی سوپای ئیسرائیل لە باکووری ئەم وڵاتە.

حیزبوڵای لوبنان بە بڵاوکردنەوەی ئاگادارییەک ڕایگەیاند: کە لە ڕێگەی موشەکی کۆنترۆڵکراوەوە هێرشەکانی بۆ سەر ناوەندە سەربازییەکانی ئیسرائیل لەسەر سنووری دوو وڵات ڕێکخستووە.

هەروەها لە لایەکی دیکەوە ئاژانسی هەواڵی فەرمی لوبنان لە هەواڵێکدا ڕایگەیاند: کە چەند سەربازێکی ئەم وڵاتە لە دوای هێرشەکانی ئیسرائیل بۆ سەر باشووری لوبنان بریندار بوون.

پێویستە ئاماژە بەوە بکرێت، كە هێرشەکانی سوپای ئیسرائیل و حیزبوڵڵای لوبنان لە ٨ی ئۆکتۆبەرەوە بەردەوامە. تا ئێستا ٨٩ ئەندامی حیزبوڵڵا و ٦ سەربازی ئیسرائیلی لەم پێکدادانانەدا کوژراون.

 

 

 

گوڵان: سەردار خەلیل