ناتۆ: زیاتر لە 300 هەزار سەربازی ڕووسیا لە ئۆکرانیا کوژران
![ناتۆ: زیاتر لە 300 هەزار سەربازی ڕووسیا لە ئۆکرانیا کوژران](https://gulanmedia.com/public/images/posts/20231129211402_original_13.jpg )
سکرتێری گشتی ناتۆ ئیدیعای کرد، کە ٣٠٠ هەزار سەربازی ڕووسیا لە ئۆکرانیا کوژراون.
لە کۆتایی کۆبوونەوەی وەزیرانی دەرەوەی ناتۆ لە برۆکسل، ینس ستۆڵتنبێرگ، سکرتێری گشتیی ناتۆ ڕایگەیاند، ڕووسیا "هەزاران تانک" و زیاتر لە "300 هەزار سەرباز"ی لە شەڕ لەگەڵ ئۆکرانیا لەدەستداوە.
هەروەها ئاماژەی بەوەشکرد، زیاتر لە ٥٠ خاڵ لە خاکی ئۆکرانیا لە ڕووسیا وەرگیراوەتەوە.
ئەمینداری گشتی ناتۆ گوتیشی: ڕووسیا نەک تەنها لە ئۆکرانیا، بەڵکو لە قەفقاز و ئاسیای ناوەڕاست کاریگەری سیاسی خۆی لەدەستداوە.
ڕووسیا وردە وردە زیاتر وابەستەی چین بووە و پشتی پێ دەبەستێت، هەروەها بەشێکی بەرچاو لە هێزی سەربازی ڕووسیا لەناوچووە.
گوڵان: سەردار خەلیل