شاندی باڵای دەزگای مین بەسەرۆکایەتی نیازی خالید جێگری سەرۆکی دەزگا و موحسین عەبدولکەریم بەڕێوەبەری گشتی کاروباری مینی سلێمانی و ڕەفعەت بابەکر یاریدەدەری بەڕێوەبەری گشتی کاروباری مینی هەولێر لە چوارچێوەی شاندی وڵاتی عێراق بەردەوامن لەبەشداریکردنی کۆنفڕانسی ڕێککەوتننامەی چەکەباوەکان.
وڵاتانی ئەندام گفتوگۆیەکی چڕیان لەسەر بڕگەکانی ئەو ڕێککەوتننامەیە کرد. بەمەبەستی گەیشتنی وڵاتان بە دواسازان لەسەر کۆی بڕگەکان لەکۆبوونەوەی ئەوڕۆ کە دوا کۆبوونەوەی ڕێکەوتننامەکەیە، شاندی دەزگای مین هەلی بۆ ڕێکخرا کە هەندێک دیدار لەگەڵ شاندی وڵاتی سعودیا و شاندی وڵاتی چین و هەروەها شاندی وڵاتی ئوستڕالیا لە پەراوێزی کۆبوونەوەکانی ئەوڕۆ ببێت و باس لە کەم و کوڕیەکانی بەرنامەی مینی هەرێم کرا
ئەوانیش بەخۆشحاڵیەوە پێیان ڕاگەیاندین کە گرنگی بەبابەتەکان دەدەین و بەسەرووی خۆیان دەگەیەنن.

 

جنێف سویسڕا

ڕێکەوتی۱۷ی تشرینی دووەمی ۲۰۲۳