لە باکووری پاکستان حەوت چەکدار کوژران
هێزە ئەمنییەکانی پاکستان لە ئۆپەراسیۆنێکدا لە باکووری ئەم وڵاتە حەوت چەکداریان کوشت.
سوپای پاکستان لە بەیاننامەیەكدا ڕایگەیاند: کە لە ئۆپەراسیۆنێكدا لەلایەن هێزە ئەمنییەکانی ئەم وڵاتە لە ویلایەتی خەیبەر پەختونخوا ٧ چەکدار کوژراون.
لەم ئۆپەراسیۆنەدا دەست بەسەر بڕێکی زۆر چەک و تەقەمەنیدا گیراوە. سوپای پاکستان لە ڕاگەیاندنەکەیدا ناسنامەی ئەو چەکدارە ئاماژەپێکراوانەی ئاشکرا نەکردووە.
پێویستە ئاماژە بەوە بکرێت کە هێرشە تیرۆریستییەکان لە پاکستان و بەتایبەتی بەلوچستان و خەیبەر پەختونخوا بەدرێژایی ئەم ساڵ زیادی کردووە.
حکومەتی پاکستان گروپی تاڵیبانی پاکستان (TTP) کە بنکەکەی لە ئەفغانستان جێگیرە، بە بەرپرسیار دەزانێت لە هێرشە تیرۆریستییەکانی سەر خاکی پاکستان.
گوڵان: سەردار خەلیل
