هێرشی سەربازی ئیسرائیل بۆ سەر جێنین

 

بە وتەی شایەتحاڵان، سەربازانی ئیسرائیل هێرشیان کردە سەر شاری جێنین لە کەناری ڕۆژئاوای ڕووباری ئوردن و لەگەڵ فەلەستینییەکان تێکهەڵچوون.

لەم ڕاپۆرتەدا باس لە وردەکاری زیاتر ناکات و بەرپرسانی تەلئەبیب تا ئێستا هیچ لێدوانێکیان لەسەر ئەم بابەتە نەداوە.

لەماوەی چەند مانگی ڕابردوودا هێرشە سەربازییەکانی ئیسرائیل بۆ سەر ناوچەکانی کەناری ڕۆژئاوا و بەتایبەت جێنین و نابلوس توندتر بووە و لە میانی ئەو هێرشانەشدا دەیان فەلەستینی گیانیان لەدەستداوە و سەدان کەسی دیکەش برینداربوون.

بەبەردەوامی هەموو ڕۆژێک بە بیانووی هەوڵدان بۆ دەستگیرکردنی "کەسانی داواکراو"، سەربازانی ئیسرائیل هەڵدەکوتنە سەر ناوچە جیاجیاکانی کەناری ڕۆژئاوا و قودس و لەگەڵ فەلەستینییەکان ڕووبەڕوو دەبنەوە.

 

 

 

گوڵان: سەردار خەلیل