هێزەكانی ئیسرائیل بە هەڵکوتانە سەر ناوچە جیاجیاکانی کەرتی ڕۆژئاوای داگیرکراو ٣٢ فەلەستینییان دەستبەسەر کرد.

 

هێزەکانی ئیسرائیل هەڵیانکوتایە سەر ناوچە جیاجیاکانی کەرتی ڕۆژئاوا و ژمارەیەک ماڵی فەلەستینییان پشکنی.

یانەی زیندانیانی فەلەستینی لە بەیاننامەیەکدا ڕایگەیاند، کە سەربازانی ئیسرائیل لە ماوەی شەو و ڕۆژی ڕابردوودا ٣٢ فەلەستینییان لە ناوچە جیاجیاکانی کەرتی ڕۆژئاوا دەستبەسەر کردووە.

ئۆپەراسیۆنە سەربازییەکانی ئیسرائیل لە ناوچەکانی وەک چون الخەلیل، ڕامەڵڵا، نابلوس و جێنین چڕبوونەتەوە.

بەپێی دوایین ڕاپۆرتی یانەی زیندانیانی فەلەستینی، ٥١٠٠ زیندانی فەلەستینی کە لەنێویاندا ١٦٥ منداڵ و هەرزەکار و ٣٣ ژن لە زیندانەکانی ئیسرائیلدان.

 

 

 

گوڵان: سەردار خەلیل