وەزارەتی بەرگری ڕووسیا خستنەخوارەوەی فڕۆکەیەکی بێفڕۆکەوانیی ئۆکرانیای بۆسەر مۆسکۆ ڕاگەیاند.

وەزارەتی بەرگری ڕووسیا بە بڵاوکردنەوەی بەیاننامەیەک ڕایگەیاند: ئەمڕۆ بەیانی كاتژمێر  (٠٤:٠٠ بە کاتی ناوخۆ)، سوپای ڕووسیا هێرشێكی ئاسمانیی ڕژێمی کیێڤی بە فڕۆکەیەکی بێفڕۆکەوان بۆ سەر دامەزراوەکانی مۆسکۆ و ناوچەكانی مۆسکۆ شکست پێ هێنا.

بەگوێرەی ڕاگەیەندراوەکە، فڕۆکە بێفڕۆکەوانە ئۆکرانییەکە بە ئامێری جەنگی ئەلیکترۆنی ڕووسی لە ئاسمانی ناوچەی  «ستۆپینۆ » خراوەتە خوارەوە و لە ناوچەیەکی چۆل و بێ نیشتەجێدا کەوتووەتە خوارەوە.

هەروەها ئەم هێرشە هیچ زیانێکی گیانی و ماددی لێ نەکەوتۆتەوە.

 

 

 

گوڵان: سەردار خەلیل