بەهۆی تەقینەوەی تانکەرێکی سووتەمەنی سێزدە کەس گیانیان لەدەستدا
لە ئەنجامی تەقینەوەی تەنکەرێکی سووتەمەنی لە ویلایەتی پلاتۆ لە نەیجیریا، ١٣ کەس گیانیان لەدەستدا و ١٠ کەسیش بریندار بوون.
ئەلفرێد ئالابۆ، بەڕێوەبەری پەیوەندییە گشتییەکانی پۆلیسی ویلایەتی پلاتۆی نەیجیریا لە بەیاننامەیەکدا ڕایگەیاند: لە ئەنجامی تەقینەوەی تانکەرێکی سووتەمەنی لە وێستگەیەک لەسەر ڕێگای بائوچی-جۆست لە ویلایەتی نەیجیریا 13 کەس گیانیان لەدەستدا و 10 کەسیش برینداربوون.
ئاماژەی بەوەشکرد، تەقینەوەکە لەکاتی بەتاڵكردنی سووتەمەنیدا ڕوویداوە.
ئالابۆ گوتی: کە لەم تەقینەوەیەدا ٢٨ دوکان و ٨ ئۆتۆمبێل سووتاون و ئاماژەی بەوەشکرد، كە خانووەکانی نزیکیش زیانیان بەرکەوتووە.
هەروەها نیگەرانی خۆی دەربڕی لە ئەگەری زیادبوونی ژمارەی مردووان.
گوڵان: سەردار خەلیل
